മുംബൈ: ലഹരിവസ്തുവിന്റെ പരസ്യത്തില്‍ അഭിനയിച്ചതിന് മാപ്പ് ചോദിച്ച് അക്ഷയ്കുമാര്‍.അജയ് ദേവഗണ്‍, ഷാരുഖ് ഖാന്‍ എന്നിവര്‍ക്കൊപ്പം വിമല്‍ പാന്‍മസാലയുടെ പരസ്യത്തിലാണ് അക്ഷയ് അഭിനയിച്ചത്. പരസ്യത്തില്‍ ഇവര്‍ മൂന്ന് പേരും പാന്‍മസാല ചവയ്‌ക്കുന്നുണ്ട്.ലഹരി വസ്തുക്കള്‍ ഉപയോഗിക്കുന്നതിനെതിരെ സംസാരിച്ചിട്ടുളള അക്ഷയ് എന്നാല്‍ ഇതിനു വിരുദ്ധമായി പാന്‍മസാലയുടെ പരസ്യത്തില്‍ അഭിനയിച്ചതിനെ പലരും വിമര്‍ശിച്ചിരുന്നു.പണത്തിന് വേണ്ടിയാണ് ഈ ഇരട്ടത്താപ്പ് കാണിച്ചതെന്നും, ഇത് തരംതാഴ്ന്ന പ്രവര്‍ത്തിയാണെന്നും വിമര്‍ശനം ഉണ്ടായി.ഇതിനാണ് അദ്ദേഹം ക്ഷമ ചോദിച്ചിരിക്കുന്നത്.ഇതി താന്‍ പാന്‍ മസാലയുടെ പരസ്യത്തില്‍ അഭിനയിക്കില്ല എന്നുംപരസ്യത്തില്‍ നിന്നും ലഭിച്ച തുക നല്ലകാര്യങ്ങള്‍ക്കായി ഉപയോഗിക്കുമെന്നും അക്ഷയ് പറഞ്ഞു.’ഞാന്‍ എന്റെ ആരാധകരോടും അഭ്യദയകാംക്ഷികളോടും ക്ഷമ ചോദിക്കുന്നു, കുറച്ചു ദിവസമായി നിങ്ങളുടെ ഭാഗത്ത് നിന്നുണ്ടായ പ്രതികരണം എന്നെ ഏറെ വേദനിപ്പിച്ചു.പുകയില ഇപയോഗത്തെ ഒരിക്കലും പിന്‍തുണയ്‌ക്കില്ല,വിമല്‍ എലൈച്ചിയുമായുളള പരസ്യങ്ങള്‍ മൂലം നിങ്ങള്‍ക്കുണ്ടായ വിഷമം ഞാന്‍ മനസിലാക്കുന്നു ഞാന്‍ വിനമയപൂര്‍വ്വം അതില്‍ നിന്ന് പിന്‍വാങ്ങുന്നു.പരസ്യത്തില്‍ നിന്ന് ലഭിച്ച തുക എന്തെങ്കിലും നല്ല കാര്യങ്ങള്‍ക്കായി ഉപയോഗിക്കുവാന്‍ തീരുമാനിച്ചിരിക്കുകയാണ്.ഞാനുമായുളള കരാര്‍ അവസാനിക്കുന്നത് വരെ അവര്‍ ഈ പരസ്യ സംപ്രേക്ഷണം ചെയ്‌തേക്കാം. എന്നാല്‍ ഭാവിയില്‍ ഇത്തരം പരസ്യങ്ങളുടെ ഭാഗമാവില്ല എന്ന് ഉറപ്പ് നല്‍കുന്നു.പകരമായി എന്നന്നേക്കും നിങ്ങളുടെ സ്‌നേഹവും ആശംസയും പ്രതീക്ഷിക്കുന്നു. അക്ഷയ്കുമാര്‍ പറഞ്ഞു.കഴിഞ്ഞ ദിവസം തെലുങ്ക് സൂപ്പര്‍സ്റ്റാര്‍ അല്ലു അര്‍ജ്ജുന്‍ വന്‍ തുക വാഗ്ദാനം ചെയ്തിട്ടും ലഹരി വസ്തുവിന്റെ പരസ്യത്തില്‍ അഭിനയിക്കാന്‍ തയ്യാറായില്ല.
Saturday, November 16, 2024
ഇനി ഇത് ആവര്‍ത്തിക്കില്ല, ക്ഷമ ചോദിക്കുന്നു : അക്ഷയ്കുമാര്‍
പണത്തിന് വേണ്ടിയാണ് ഈ ഇരട്ടത്താപ്പ് കാണിച്ചതെന്നും, ഇത് തരംതാഴ്ന്ന പ്രവര്‍ത്തിയാണെന്നും വിമര്‍ശനം ഉണ്ടായി.ഇതിനാണ് അദ്ദേഹം ക്ഷമ ചോദിച്ചിരിക്കുന്നത്.
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: