മംഗളൂരു: കര്ണ്ണാടകയിലെ തോക്കൂരില് മത്സ്യസംഭരണ യൂണിറ്റിലെ മാലിന്യ ടാങ്കില് വീണ് അഞ്ച് തൊഴിലാളികള് മരിച്ചു. മാലിന്യസംസ്ക്കരണ ടാങ്കിലേക്ക് വീണ തൊഴിലാളിയെ രക്ഷിക്കാന് ശ്രമിക്കുന്നതിനിടയിലാണ് മറ്റുളളവര്ക്കും അപകടം സംഭവിച്ചത്.
മൂന്ന് പേര്ക്ക് പരിക്കേറ്റു.തോക്കൂരിലെ എല്.എല്.പി യുണിറ്റിലാണ് ഇന്നലെ വൈകുന്നേരം അപകടം നടന്നത്. തൊഴിലാളികളില് ഒരാള് മാലിന്യ ടാങ്കില് വീണ് ബോധരഹിതനായി ഇയാളെ രക്ഷിക്കുന്നതിനായി ഏഴ് പേര് പുറകെ ചാടി. എന്നാല് എല്ലാവരും ടാങ്കില് അകപ്പെട്ടു. ഇവരെ സമീപത്തെ സ്വകാര്യ ആശുപത്രിയില് എത്തിച്ചെങ്കിലും അഞ്ച് പേര് മരണപ്പെട്ടു.
ഒരാള് ഇന്നലെ രാത്രിയും മറ്റുളളവര് ഇന്നുമാണ് മരണപ്പെട്ടത്. വിഷവാതമാകാം മരണ കാരണമെന്ന് പരയപ്പെടുന്നു.പരിക്കേറ്റവര് അപകടനില തരണം ചെയ്തു.യൂണിറ്റില് ആര്ക്കും തന്നെ സുരക്ഷ വസ്ത്രങ്ങള് ഇല്ലായിരുന്നു.യാതൊരു സുരക്ഷ നടപടികളും പാലിക്കാതെയാണ് യൂണിറ്റ് പ്രവര്ത്തിച്ചിരുന്നത്.യൂണിന്റെ ഉടമസ്ഥനെതിരെ കേസ് രജിസ്റ്റര് ചെയ്തിട്ടുണ്ട്.യൂണിറ്റ് അടച്ചു പൂട്ടി. മരിച്ച തൊഴിലാളികള് എല്ലാം ബംഗാളികളാണ്.
