തിരുവല്ല: കടക്കെണിയെ തുടര്ന്ന് കര്ഷകന് പാടവരമ്പത്തെ മരത്തില് തൂങ്ങിമരിച്ചു. വടക്കുംഭാഗം കാണാത്ര പറമ്പ് വീട്ടില് രാജീവ് (49) ആണ് മരിച്ചത്.
കൃഷി ആവശ്യത്തിനായി രാജീവ് ബാങ്കുകളില്നിന്നും അയല്കൂട്ടങ്ങളില്നിന്നും വായ്പ എടുത്തിരുന്നു. എന്നാല് കഴിഞ്ഞ വര്ഷത്തെ വേനല് മഴ മൂലം കൃഷി നശിച്ചതോടെ ലക്ഷങ്ങളുടെ നഷ്ടമുണ്ടായി. വേനല്മഴയില് പാട്ടത്തിന് എടുത്ത് കൃഷി നടത്തിയ പത്തേക്കറില് എട്ടേക്കര് വെള്ളംകയറി നശിച്ചത്.
സര്ക്കാര് ധനസഹായം വെറും 2000 രൂപയാണ് ലഭിച്ചത്. ഇതിനെതിരെ രാജീവ് ഉള്പ്പെടെ 10 കര്ഷകര് ചേര്ന്നു ഹൈക്കോടതിയില് റിട്ട് ഹര്ജി നല്കിയിരുന്നു. വായ്പ്പതുക തിരിച്ചടയ്ക്കാന് കഴിയാത്തതിലെ മനോവിഷമത്തെ തുടര്ന്നു രാജീവ് ജീവനൊടുക്കുകയായിരുന്നു.
