എഎന്‍പുരത്ത് വിരണ്ട ആന ടിപ്പര്‍ ലോറിയുടെ മുന്‍ ഭാഗം തകര്‍ത്തപ്പോള്‍
ആലപ്പുഴ: പാപ്പാന്‍മാരുടെ ക്രൂര മര്‍ദ്ദനത്തെ തുടര്‍ന്ന് ആന ഇടഞ്ഞത് പരിഭ്രാന്തി പരത്തി. ഇന്നലെ രാവിലെ 9.30ന് എഎന്‍ പുരത്തായിരുന്നു സംഭവം. അനന്തനാരായണ പുരം ക്ഷേത്രം ഉത്സവത്തിനെത്തിച്ച കുളമാക്കി ഗണേശന്‍ എന്ന ആനയാണ് ഇടഞ്ഞത്. സിപിഐ നേതാവ് കൃഷ്ണപ്രസാദിന്റെ ഉടമസ്ഥതയിലുള്ളതാണ് ആന. ക്ഷേത്രത്തിലേക്കുള്ള വഴിയില്‍ തിരിയുന്നതിനിടെ കമ്പില്‍ തട്ടി ആന വിരണ്ടു.
ഇതോടെ പാപ്പാന്‍മാര്‍ ആനയെ മര്‍ദ്ദിച്ചെന്ന് ദൃക്‌സാക്ഷികള്‍ പറഞ്ഞു. വിരണ്ട ആന ഒരു ടിപ്പില്‍ ലോറിയുടെ മുന്‍ഭാഗവും, സമീപത്തെ വീടിന്റെ ചുറ്റുമതിലും തകര്‍ത്തു. അധികം വൈകാതെ ആനയെ തളയ്‌ക്കാനായതിനാല്‍ മറ്റു അപകടങ്ങള്‍ ഒഴിവായി. ആനയെ മടക്കി കൊണ്ടു പോകും വഴിയും ക്രൂരമായി മര്‍ദ്ദിച്ചു. തല ഭഗത്ത് നിന്ന് ചോരയൊലിക്കുന്ന നിലയിലായിരുന്നു ആന.
പ്രതികരിക്കാൻ ഇവിടെ എഴുതുക