ഗാന്ധി കുടുംബത്തിന് പുറത്ത് കോണ്‍ഗ്രസ് ഒന്നും കാണുന്നില്ല; രാഹുല്‍ വന്നു, ഇപ്പോള്‍ പ്രിയങ്ക വന്നു; സ്ഥിതി മെച്ചപ്പെടുന്നില്ല: അനുരാഗ് താക്കൂര്‍

ന്യൂദല്‍ഹി: ഗാന്ധി കുടുംബത്തിന് പുറത്ത് കോണ്‍ഗ്രസ് ഒന്നും കാണുന്നില്ലെന്ന് വിമര്‍ശിച്ച് കേന്ദ്രമന്ത്രി അനുരാഗ് താക്കൂര്‍.

‘ഗാന്ധി കുടുംബത്തിലെ എല്ലാവരും അവരുടെ പ്രവര്‍ത്തനത്തിന്റെ ഫലം കണ്ടു കഴിഞ്ഞു. ആദ്യം രാഹുല്‍ ഗാന്ധിയായിരുന്നു കാര്യങ്ങളുടെ തലപ്പത്ത്. പക്ഷെ ബംഗാളില്‍ അവര്‍ക്ക് അക്കൗണ്ട് തുറക്കാനേ കഴിഞ്ഞില്ല. ഉത്തര്‍ പ്രദേശില്‍ പ്രിയങ്കയായിരുന്നു ചുമതലക്കാരി. പാര്‍ട്ടിക്ക് കെട്ടിവെച്ച കാശ് പോയി. രണ്ട് സീറ്റാണ് കിട്ടിയത്.’-അനുരാഗ് താക്കൂര്‍ പറഞ്ഞു.

‘ഇപ്പോള്‍ സോണിയയാണ് ഉത്തരവാദിത്വം കയ്യാളുന്നത്. ഇപ്പോഴും അതേ ചോദ്യം ഉയരുകയാണ്. കഴിവോ, മിടുക്കോ കണക്കിലെടുക്കാതെ നേതൃപദവി ഒരു കുടുംബത്തില്‍ ഒതുങ്ങുകയാണ്. ഈ വിഷമസന്ധിക്ക് ഉത്തരം കാണാതെ കോണ്‍ഗ്രസിന് രക്ഷയില്ല.’- അനുരാഗ് താക്കൂര്‍ പറഞ്ഞു.