തിരുവനന്തപുരം: കെ റെയിലിനെതിരെ കോണ്‍ഗ്രസ് എംപി കെ. മുരളീധരന്‍. സര്‍ക്കാരിന് മറ്റൊന്നും വേണ്ട കെ-റെയില്‍ മാത്രം മതിയെന്ന നിലപാട് ആണെന്ന് അദ്ദേഹം വിമര്‍ശിച്ചു. കിറ്റ് കണ്ട് വോട്ട് ചെയ്തവര്‍ക്ക് സര്‍ക്കാര്‍ കുറ്റി സമ്മാനമായി നല്‍കുകയാണെന്നും അദ്ദേഹം പരിഹസിച്ചു.
സര്‍ക്കാര്‍ സില്‍വര്‍ലൈന്‍ പദ്ധിയ്‌ക്ക് പിന്നാലെയാണ്. പ്രാദേശിക വികസനം തടസ്സപ്പെടുന്നത് സര്‍ക്കാര്‍ അറിയുന്നില്ല. സര്‍ക്കാരിന് എന്തിനാണ് ഈ വാശി. കെ- റെയിലിന് ജനങ്ങള്‍ എതിരാണെങ്കില്‍ പിന്മാറുകയാണ് വേണ്ടത്. സില്‍വര്‍ ലൈന്‍ നടപ്പാക്കാനുള്ള തീരുമാനത്തില്‍ നിന്നും സര്‍ക്കാര്‍ പിന്മാറണമെന്നും അദ്ദേഹം ആവശ്യപ്പെട്ടു.
ഇതേ മനോഭാവമാണ് ശബരിമല വിഷയത്തിലും സര്‍ക്കാരിന് ഉണ്ടായിരുന്നത്. സര്‍ക്കാര്‍ വര്‍ഗ്ഗീയത ആളിക്കത്തിക്കാന്‍ ശ്രമിച്ചു. എന്തോ മാനസിക തകരാര്‍ വന്ന പോലെയാണ് മുഖ്യമന്ത്രിയുടെ വാര്‍ത്താ സമ്മേളനം കണ്ടാല്‍ തോന്നുന്നതെന്നും മുരളീധരന്‍ വ്യക്തമാക്കി.
പ്രതികരിക്കാൻ ഇവിടെ എഴുതുക: