തിരുവനന്തപുരം : നടന്‍ വിനായകന്‍ മാദ്ധ്യമ പ്രവര്‍ത്തകയോട് അശ്ലീല ചുവയോടെ സംസാരിച്ചതില്‍ പ്രതികരണവുമായി നടി പാര്‍വ്വതി തിരുവോത്ത്. ഇന്‍സ്റ്റഗ്രാമിലൂടെയാണ് പാര്‍വ്വതി വിനായകനെതിരെ രംഗത്ത് വന്നത്. നാണക്കേട് എന്ന ഒറ്റവാക്കില്‍ ആയിരുന്നു പ്രതികരണം.
ഇന്‍സ്റ്റ ഗ്രാം സ്റ്റോറിയില്‍ വിനായകന്റെ ചിത്രത്തോടൊപ്പമായിരുന്നു പാര്‍വ്വതി വിമര്‍ശനം ഉന്നയിച്ചത്. ചിത്രത്തിന് മുകളിലായി ‘ ഷെയിം ‘ എന്നായിരുന്നു താരം എഴുതിയത്. ഇതിനോട് പ്രതികരിച്ച് നിരവധി പേര്‍ രംഗത്ത് എത്തി. കഴിഞ്ഞ ദിവസമായിരുന്നു വിനായകന്‍ മാദ്ധ്യമ പ്രവര്‍ത്തകയോട് അശ്ലീല ചുവയോടെ സംസാരിച്ചത്. മീടു ആരോപണത്തെക്കുറിച്ച് ചോദിച്ചപ്പോള്‍ ആയിരുന്നു പ്രതികരണം. തനിക്ക് താല്‍പര്യമുള്ളവരെയെല്ലാം ശാരീരിക ബന്ധത്തിന് ക്ഷണിക്കുമെന്നും, അതാണ് മീ ടു എങ്കില്‍ ആവര്‍ത്തിക്കുമെന്നുമായിരുന്നു വിനായകന്‍ പറഞ്ഞത്. എന്നാല്‍ ഇതിനെതിരെ ഇടത് സഹയാത്രികരോ ഡബ്ല്യൂസിസിയോ പ്രതികരിച്ചിരുന്നില്ല. ഇതില്‍ ആളുകളില്‍ നിന്നും ശക്തമായ വിമര്‍ശനം ഉയര്‍ന്നിരുന്നു. ഇതിന് പിന്നാലെയായിരുന്നു പാര്‍വ്വതിയുടെ പ്രതികരണം.
പ്രതികരിക്കാൻ ഇവിടെ എഴുതുക