കൊച്ചി : നടിയെ ആക്രമിച്ച കേസുമായി ബന്ധപ്പെട്ട് കാവ്യാ മാധവനെ ഉടന്‍ ചോദ്യം ചെയ്യും. സാക്ഷികള്‍ മൊഴി നല്‍കിയതിലുള്ള ആ ‘മാഡം’ കാവ്യയാണോ എന്ന അന്വേഷണത്തിന്റെ ഭാഗമായിട്ടാകും ചോദ്യം ചെയ്യല്‍ നടക്കുക. ദിലീപിനെ ചോദ്യം ചെയ്യുന്നതിന് പിന്നാലെ കാവ്യാ മാധവനും നോട്ടീസ് നല്‍കുമെന്നാണ് വിവരം.
നടിയെ ആക്രമിച്ച കേസില്‍ മുഖ്യപ്രതി പള്‍സര്‍ സുനിയാണ് ‘ മാഡ’ ത്തെപ്പറ്റി ആദ്യ വെളിപ്പെടുത്തല്‍ നടത്തിയത്. നടിയുടെ അപകീര്‍ത്തികരമായ ദൃശ്യം പോലീസ് പിടിയിലാകുന്നതിന് മുന്‍പ് മാഡത്തിന് നല്‍കിയിരുന്നു എന്നാണ് വെളിപ്പെടുത്തല്‍. എന്നാല്‍ കേസില്‍ മാഡത്തിനുള്ള പങ്കിനെക്കുറിച്ച് വ്യക്തത ഇല്ലാത്തതിനാല്‍ പോലീസിന് അന്വേഷണവുമായി മുന്നോട്ട് പോകാന്‍ സാധിച്ചില്ല.
വര്‍ഷങ്ങള്‍ക്ക് ശേഷം സംവിധായകന്‍ ബാലചന്ദ്രകുമാര്‍ വെളിപ്പെടുത്തിയതോടെയാണ് മാഡവും വിഐപിയും വീണ്ടും ചര്‍ച്ചയായത്. ദിലീപിന്റെ സുഹൃത്തും ഹോട്ടല്‍ വ്യവസായിയുമായ ശരത് ആണ് വിഐപിയെന്ന് കണ്ടെത്തിയിരുന്നു. ശരത്തിനെ ചോദ്യം ചെയ്തപ്പോഴാണ് മാഡത്തെക്കുറിച്ചുള്ള നിര്‍ണായക വിവരങ്ങള്‍ ലഭിക്കുന്നത്. ഇത് സംബന്ധിച്ച് അന്വേഷണം നടത്താനാണ് പോലീസിന്റെ തീരുമാനം.
പ്രതികരിക്കാൻ ഇവിടെ എഴുതുക: