മുംബൈ: ബാഹുബലിയ്ക്ക് ശേഷം രാജമൗലി സംവിധാനം ചെയ്ത ആര്ആര്ആര് നാളെ റിലീസിന് ഒരുങ്ങുകയാണ്. രാം ചരണ്, ജൂനിയര് എന്ടിആര്, ആജയ് ദേവ്ഗണ്, ശ്രീയ ശരണ്, ആലിയഭട്ട് എന്നിവര് പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിന് ഗംഭീര വരവേല്പ്പാണ് ലഭിക്കുന്നത്. ആന്ധ്രാപ്രദേശിലും തെലങ്കാനയിലും ചിത്രത്തിന്റെ ബുക്കിംഗ് ഏതാണ്ട് പൂര്ണ്ണമായും അവസാനിച്ചു. ചിത്രത്തിന്റെ ഹിന്ദി പതിപ്പിന് ഡല്ഹിയിലെ
ചിത്രത്തിന്റെ ഹിന്ദി പതിപ്പിന് ഡല്ഹിയിലെ പിവിആര് ഡയറക്ടേഴ്സ് കട്ടില് ഒരു ടിക്കറ്റിന് 2100 രൂപവരെയാണ് ഈടാക്കുന്നത്. 3ഡി പ്ലാറ്റിന 1900, 3 ഡി പ്ലാറ്റിനം സൂപ്പീരിയര് 2100 എന്നിങ്ങനെ പോകുന്നു വില. ഗുരാഗണിലെ ആംബിയന്സ് ഹാള്, മുംബൈയിലെ പിവിആര് എന്നിവിടങ്ങളിലും വലിയ തുകയ്ക്കാണ് ടിക്കറ്റ് വിറ്റു പോകുന്നത്.
1920 കാലഘട്ടം പശ്ചാത്തലമാകുന്ന ചിത്രമാണ് ആര്ആര്ആര്. അല്ലൂരി സിതാരാമ രാജു, കോമരം ഭീം എന്നീ ശ്രദ്ധേയരായ സ്വാതന്ത്ര്യ സമര സേനാനികളുടെ കഥയാണ് പറയുന്നത്. മൂന്ന് മണിക്കൂര് ആറ് മിനിറ്റാണ് ചിത്രത്തിന്റെ ദൈര്ഘ്യം. എന്ടിആറാണ് കോമരം ഭീം എന്ന കഥാപാത്രത്തെ അവതരിപ്പിക്കുന്നത്. അല്ലൂരി സിതാരാമ രാജുവായാണ് ആര്ആര്ആറില് രാം ചരണ് എത്തുന്നത്. തെലുങ്ക്, തമിഴ്, മലയാളം, കന്നഡ, ഹിന്ദി, ഇംഗ്ലീഷ്, പോര്ച്ചുഗീസ്, കൊറിയന്, ടര്ക്കിഷ്, സ്പാനിഷ് എന്നിങ്ങനെ പത്ത് ഭാഷകളില് ചിത്രം കാണാം.
റിലീസിന് മുമ്പ് തന്നെ കോടികളുടെ ബിസിനസ് ചിത്രം സ്വന്തമാക്കിയിരുന്നു. 550 കോടി രൂപയില് ഒരുങ്ങിയ ചിത്രം റിലീസിന് മുമ്പ് തന്നെ 325 കോടി രൂപയാണ് സ്വന്തമാക്കിയത്. ഡിജിറ്റല് സാറ്റ്ലൈറ്റ് അവകാശത്തിലൂടെയാണ് ചിത്രം ഈ നേട്ടം സ്വന്തമാക്കിയത്.
