തൃശൂരിൽ യുവാവിനെ കൊന്ന് കുഴിച്ചുമൂടി; സഹോദരൻ അറസ്റ്റിൽ, കൊലപാതകം മദ്യപിച്ച് ബഹളം വച്ചതിന്, അമ്മയുടെ പങ്കും സംശയിക്കുന്നു

തൃശൂര്‍: ചേര്‍പ്പില്‍ യുവാവിനെ സഹോദരന്‍ കൊന്ന് കുഴിച്ചുമൂടി. ചേര്‍പ്പ് മുത്തുളളി സ്വദേശി കെ.ജെ. ബാബു ആണ് കെല്ലപ്പെട്ടത്. ബാബു മദ്യപിച്ച് ബഹളം വച്ചതാണ് കൊലപാതകത്തില്‍ കലാശിച്ചത്.  സഹോദരന്‍ കെ.ജെ സാബുവിനെ പോലീസ് കസ്റ്റഡിയില്‍ എടുത്തു.

ഈ മാസം 19ന് അർദ്ധരാത്രിയിലാണ് കൊലപാതകം നടന്നത്. ശേഷം മൃതദേഹം വീടിന്റെ അടുത്തുള്ള പറമ്പിൽ കുഴിച്ചുമൂടുകയായിരുന്നു. ബാബുവിനെ കാണാനില്ലെന്ന് കാണിച്ച് രണ്ടു ദിവസം മുമ്പ് മാതാപിതാക്കൾ പോലീസിൽ പരാതി നൽകിയിരുന്നു. തുടർന്ന് ആളൊഴിഞ്ഞ പറമ്പിൽ മൃതദേഹത്തിന്റെ കൈ പുറത്തു കണ്ട നാട്ടുകാരാണ് വിവരം പോലീസിനെ അറിയിച്ചത്.  

മൃതദേഹം ബാബുവിന്റേതാണെന്ന് സ്ഥിരീകരിച്ചതിന് പിന്നാലെ പോലീസ് സാബുവിനെ കസ്റ്റഡിയിലെടുത്തു.  ഇവരുടെ അമ്മയെ പോലീസ് ചോദ്യം ചെയ്യുന്നുണ്ട്. മൃതദേഹം കുഴിച്ചിടാൻ അമ്മ സഹായിച്ചിട്ടുണ്ടോ എന്ന് പരിശോധിക്കും.