കോഴിക്കോട്: മലപ്പുറം ആതിഥേയത്വം വഹിക്കുന്ന സന്തോഷ് ട്രോഫി ഫൈനല്‍ റൗണ്ടിനുള്ള കേരള ടീമിന്റെ പരിശീലനം കോഴിക്കോട്ട് ആരംഭിച്ചു. കോര്‍പ്പറേഷന്‍ സ്‌റ്റേഡിയത്തില്‍ കോച്ച് ബിനോ ജോര്‍ജിന്റെ നേതൃത്വത്തിലാണ് പരിശീലനത്തിന് തുടക്കമായത്. ഏപ്രില്‍ 16നാണ് സന്തോഷ് ട്രോഫിക്ക് തുടക്കമാകുന്നത്. മഞ്ചേരി പയ്യനാട് സ്റ്റേഡിയത്തിലും മലപ്പുറം കോട്ടപ്പടി സ്‌റ്റേഡിയത്തിലുമാണ് മത്സരങ്ങള്‍.
പരിശീലനത്തിനെത്തില്‍ പങ്കെടുക്കുന്ന 20 പേരുള്‍പ്പെടെ 30 പേരാണ് ക്യാമ്പിലുള്ളത്. 25ന് കേരള പ്രീമിയര്‍ ലീഗ് അവസാനിച്ച ശേഷം ബാക്കിയുള്ളവര്‍ ക്യാമ്പിലെത്തും. 20 അംഗ അന്തിമ ടീമിനെ പിന്നീട് പ്രഖ്യാപിക്കും. ടി.ജി. പുരുഷോത്തമനും സജി ജോയിയും മുഹമ്മദും പരിശീലകരായുണ്ട്.
കേരളമുള്‍പ്പെടെ 10 ടീമുകളാണ് ഫൈനല്‍ റൗണ്ടിലുള്ളത്. രാജസ്ഥാന്‍, മേഘാലയ, പശ്ചിമബംഗാള്‍, പഞ്ചാബ് എന്നിവരടങ്ങുന്ന ഗ്രൂപ്പ് എയിലാണ് കേരളം. ഏപ്രില്‍ 16ന് രാജസ്ഥാനുമായാണ് കേരളത്തിന്റെ ആദ്യ മത്സരം.
പ്രതികരിക്കാൻ ഇവിടെ എഴുതുക: