കോഴിക്കോട്‌: മന്ത്രി സജി ചെറിയാനേയും മുന്‍മന്ത്രി ഇ.പി ജയരാജനേയും പരിഹസിച്ച് ബിജെപി സംസ്ഥാന സെക്രട്ടറി അഡ്വ. പ്രകാശ്ബാബു. ഇ പി ജയരാജനും സജി ചെറിയാനും മാനസികനില അത്യന്തം ആപല്‍ക്കരമായ നിലയില്‍ വഷളായിട്ടുണ്ട്. സ്ഥലകാലബോധം വീണ്ടെടുക്കാന്‍ അടിയന്തിരമായി ചികില്‍സ ലഭ്യമാക്കാന്‍ മുഖ്യമന്ത്രി നടപടി സ്വീകരിക്കണമെന്നും പ്രകാശ്ബാബു പരിഹസിച്ചു.
കെ റയില്‍ വിരുദ്ധ സമരത്തില്‍ പങ്കെടുക്കുന്നവരെ ഭീകരവാദികളും വിവരദോഷികളുമാണെന്ന് പറയാന്‍ ലക്ഷണമൊത്ത ഭ്രാന്തന്മാര്‍ക്ക് മാത്രമേ സാധിക്കുകയുള്ളുവെന്നും പ്രകാശ്ബാബു ഫേസ്ബുക്കില്‍ കുറിച്ചു. പിണറായിയും പരിവാരങ്ങളും നിരന്ന് നിന്ന് പരിഹസിച്ചാലും അധിക്ഷേപിച്ചാലും അടുക്കളയില്‍ കയറി അക്രമിച്ചാലും മുട്ടുമടക്കാന്‍ സമരക്കാര്‍ തയാറല്ല. പിണറായിയുടെ അവസാനത്തെ മഞ്ഞക്കുറ്റിയും വരും ദിവസങ്ങളില്‍ പിഴുതെടുക്കുക തന്നെ ചെയ്യുമെന്നും പ്രകാശ്ബാബു കൂട്ടിച്ചേര്‍ത്തു.
കെ റെയിലിന് എതിരായ സമരത്തിന് പിന്നില്‍ സാധാരണക്കാരായ ജനങ്ങളല്ലെന്നും തെക്കും വടക്കുമില്ലാത്ത വിവര ദോഷികളാണെന്നും സിപിഎം നേതാവ് ഇ.പി. ജയരാജന്‍ പ്രതികരിച്ചിരുന്നു. സമരത്തിന് പിന്നില്‍ തീവ്രവാദികള്‍ ആണെന്നായിരുന്നു മന്ത്രി സജി ചെറിയാന്റെ പരാമര്‍ശം.
പ്രതികരിക്കാൻ ഇവിടെ എഴുതുക: