അടിമാലി: വാക്കു തര്‍ക്കത്തെ തുടര്‍ന്ന് പിതാവിന്റെ ദേഹത്ത് ആസിഡ് ഒഴിച്ച സംഭവത്തില്‍ മകനെ അടിമാലി പോലീസ് അറസ്റ്റ് ചെയ്തു. ഇരുമ്പുപാലം പഴമ്പള്ളിച്ചാല്‍ പടിയറ വിനീത്(30) ആണ് അറസ്റ്റിലായത്. ശരീരത്ത് സാരമായി പൊള്ളലേറ്റ പിതാവ് ചന്ദ്രസേനനെ അടിമാലിയിലെ പൊള്ളല്‍ ചികിത്സാ കേന്ദ്രത്തില്‍ പ്രവേശിപ്പിച്ചു.
റബര്‍ പാല്‍ ഉറയൊഴിക്കാന്‍ ഉപയോഗിക്കുന്ന ആസിഡാണ് പ്രതി ദേഹത്ത് ഒഴിച്ചത്. ഞായറാഴ്ച വൈകിട്ട് 4ന് ആണ് സംഭവം. വീട്ടില്‍ മദ്യപിച്ച് എത്തിയ മകന്‍ ടെലിവിഷനില്‍ കൈ കൊണ്ട് ഇടിച്ചു. പിന്നീട് ടെലിവിഷന്‍ പ്രവര്‍ത്തിക്കാത്തതിനെ തുടര്‍ന്ന് പിതാവുമായി വാക്കേറ്റം ഉണ്ടായി.
തുടര്‍ന്നാണ് ആസിസ് ഒഴിച്ചയത്. ആശുപത്രിയില്‍ നിന്ന് അറിയിപ്പ് ലഭിച്ച ഉടനെ തന്നെ അടിമാലി സിഐ കെ. സുധീറിന്റെ നേതൃത്വത്തിലുള്ള സംഘം വിനീതിനെ കസ്റ്റഡിയില്‍ എടുക്കുകയായിരുന്നു. സംഭവ സ്ഥലത്ത് എത്തിച്ച് തെളിവെടുപ്പ് നടത്തി കോടതില്‍ റിമാന്‍ഡ് ചെയ്തു.
നേരത്തെ ലോക വനിത ദിനത്തില്‍ തൊടുപുഴയ്‌ക്ക് സമീപം യുവതിക്ക് നേരെ ഭര്‍ത്താവിന്റെ ആസിഡ് ആക്രമണം ഉണ്ടായിരുന്നു. മുഖത്തും തോളിലുമായി പൊള്ളലേറ്റ പഴയമറ്റം വാഴമലയില്‍ സോന സണ്ണി ഇപ്പോഴും ചികിത്സയിലാണ്. കേസില്‍ പ്രതിയായ ഭര്‍ത്താവ് കരിങ്കുന്നം ഒറ്റല്ലൂര്‍ പള്ളിക്കതടത്തില്‍ രാഹുല്‍ രാജിനെ മുട്ടം പോലീസ് അറസ്റ്റ് ചെയ്തിരുന്നു.
പ്രതികരിക്കാൻ ഇവിടെ എഴുതുക: