റിയാദ്: സൗദിയില്‍ നാലിടങ്ങളില്‍ ഹൂതി വിമതരുടെ ആക്രമണം. ജനവാസ മേഖലയിലാണ് ആക്രമണമുണ്ടായത്. ജിസാനില്‍ അരാംകോ ജീവനക്കാരുടെ താമസയിടം, ജാനുബ് നഗരത്തിലെ വൈദ്യുതി കേന്ദ്രം, ഖാമിസ് മുഷൈത്തിലെ ഗ്യാസ് സ്റ്റേഷന്‍, അല്‍ ഷഖീക്കിലെ ശുദ്ധജലോല്‍പ്പാദന കേന്ദ്രം എന്നിവിടങ്ങളാണ് ആക്രമിക്കപ്പെട്ടതെന്നു സൗദി പ്രസ് ഏജന്‍സി റിപ്പോര്‍ട്ട് ചെയ്തു.
സംഭവത്തില്‍ ആര്‍ക്കും പരിക്കേറ്റിട്ടില്ലെന്നും എന്നാല്‍ കാറുകളും വീടുകളും തകര്‍ന്നതായും സൗദി സഖ്യസേന അറിയിച്ചു. ബാലിസ്റ്റിക് മിസൈലുകള്‍, ക്രൂസ് മിസൈലുകള്‍, ഡ്രോണുകള്‍ എന്നിവ ഉപയോഗിച്ചാണ് ഹൂതികള്‍ ആക്രമണം നടത്തിയത്. ജിസാനിലെ ജനവാസ കേന്ദ്രങ്ങള്‍ ലക്ഷ്യമിട്ടു ഹൂതികള്‍ അയച്ച ബാലിസ്റ്റിക് മിസൈല്‍ തടഞ്ഞു നശിപ്പിച്ചതായും സൗദി സഖ്യസേന വ്യക്തമാക്കി.
പ്രതികരിക്കാൻ ഇവിടെ എഴുതുക: