തൊടുപുഴ: സംസ്ഥാനത്ത് വിവിധയിടങ്ങളില്‍ വേനല്‍ മഴ ലഭിച്ചതോടെ പകല്‍ സമയത്തെ താപനില ഗണ്യമായി കുറഞ്ഞു. പുനലൂരില്‍ ഇന്നലെ വൈകിട്ട് കനത്ത മഴയാണ് പെയ്തത്. ആറ് സെ.മീ. മഴ ഇവിടെ രേഖപ്പെടുത്തി. തിരുവനന്തപുരം, കൊല്ലം, പത്തനംതിട്ട ജില്ലകളുടെ വിവിധ ഭാഗങ്ങളില്‍ ഇന്നലെ പകല്‍ മഴ ലഭിച്ചപ്പോള്‍ കോട്ടയം, എറണാകുളം, ആലപ്പുഴ, ഇടുക്കി ജില്ലകളുടെ വിവിധ ഭാഗങ്ങളിലും രാത്രിയോടെ മഴയെത്തി. ഇന്നും ശക്തമായ വേനല്‍മഴയ്‌ക്ക് സാധ്യതയുണ്ട്.
39 ഡിഗ്രി വരെ എത്തിയ താപനില ശരാശരി 34 മുതല്‍ 36 ഡിഗ്രിയിലേക്ക് കുറഞ്ഞു. ഇന്നലെ ഏറ്റവും കൂടിയ താപനില പാലക്കാട്ടായിരുന്നു; 36.5 ഡിഗ്രി സെല്‍ഷ്യസ്. മറ്റിടങ്ങളിലെ കൂടിയ താപനില: കണ്ണൂര്‍- 36.0, കോട്ടയം- 36.0, പുനലൂര്‍- 35.5, തിരുവനന്തപുരം-35.2, കോഴിക്കോട്- 35.5, വെള്ളാനിക്കര- 34.4, ആലപ്പുഴ- 34.2, കൊച്ചി- 31.8.
പ്രതികരിക്കാൻ ഇവിടെ എഴുതുക: