ന്യൂദല്ഹി: നിയമസഭാ തെരഞ്ഞെടുപ്പുകളിലെ ബിജെപിയുടെ വിജയത്തില് പ്രധാനമന്ത്രി മോദിയെ പുകഴ്ത്തി ശശി തരൂര് എംപി.
അപാരമായ ഉര്ജ്ജസ്വലതയുും ചലനാത്മകതയും ഉള്ള നേതാവാണ് പ്രധാനമന്ത്രി മോദിയെന്ന് ശശി തരൂര് പറഞ്ഞു. ഉത്തര്പ്രദേശിലെ ബിജെപിയുടെ വിജയത്തിന് മുഴുവന് അംഗീകാരവും മോദിക്ക് നല്കണമെന്നും ശശി തരൂര് അഭിപ്രായ്പ്പെട്ടു.
‘രാഷ്ട്രീയമായി ചില കാര്യങ്ങള് അങ്ങേയറ്റം ആകര്ഷകമായി അദ്ദേഹം ചെയ്തിട്ടുണ്ട്. ഇത്രയും വലിയ മാര്ജിന് അവര് ജയിക്കുമെന്ന് ഞങ്ങള് പ്രതീക്ഷിച്ചില്ല. എന്നാല് അദ്ദേഹം അത് സാധിച്ചു’- ശശി തരൂര് പറഞ്ഞു. ജയ്പൂര് സാഹിത്യോത്സവത്തില് മാധ്യമങ്ങളോട് സംവദിക്കുകയായിരുന്നു ശശി തരൂര്.
എക്സിറ്റ് പോള് ഫലങ്ങള് പുറത്തുവരുന്നതുവരെ സമാജ് വാദി പാര്ട്ടി വിജയിക്കുമെന്ന് എല്ലാവരും കരുതി. ഇന്ത്യയിലെ വോട്ടര്മാര്ക്ക് ഇത്തരം അത്ഭുതങ്ങള് സൃഷ്ടിക്കാനുള്ള കഴിവുണ്ട്. ഇപ്പോള് അവര് ബിജെപിക്ക് ആവശ്യമായത് നല്കി.- ശശി തരൂര് പറഞ്ഞു.
കഴിഞ്ഞ ദിവസം തരൂര് അമിത്ഷായെയും പുകഴ്ത്തിയിരുന്നു. തന്റെ 66ാം ജന്മദിനത്തില് അമിത് ഷാ ഫോണില് വിളിച്ചത് തന്നെ അത്യധികം ആഹ്ലാദവാനാക്കിയെന്നായിരുന്നു തരൂര് അഭിപ്രായപ്പെട്ടത്.
