ശ്രീനഗര്‍: സിആര്‍പിഎഫ് സൈനികനെ വധിച്ച ഭീകരനെ സൈന്യം പിടികൂടി. സൈനികനെ കൊല്ലപ്പെട്ട് 24 മണിക്കൂറിനുള്ളില്‍ തന്നെ സുരക്ഷാ സൈന്യം ഇയാളെ കൊലപ്പെടുത്തുകയായിരുന്നു. സൈനികനെ കൊലപ്പെടുത്താന്‍ ഉപയോഗിച്ച പിസ്റ്റളും ഇയാളില്‍ നിന്നും പിടിച്ചെടുത്തതായി കശ്മീര്‍ ഐജി പി. വിജയകുമാര്‍ പറഞ്ഞു.
ലഷ്‌കര്‍ ഇ തോയ്ബ കമാന്‍ഡര്‍ ആബിദ് റംസാന്‍ ഷെയ്ഖിന്റെ നിര്‍ദ്ദേശപ്രകാരമാണ് സിആര്‍പിഎഫ് ജവാനെ കൊലപ്പെടുത്തിയതെന്ന് പോലീസ് സൂചന നല്‍കി. ഇക്കാര്യത്തില്‍ കൂടുതല്‍ അന്വേഷണം നടക്കുകയാണ്. കൃത്യം നടക്കുന്ന സമയത്ത് ഭീകരനൊപ്പം ഉണ്ടായിരുന്ന മറ്റൊരാളെയും പിടികൂടിയിട്ടുണ്ട്.
ഷോപ്പിയാനിലെ ഛോത്തിപോരയില്‍ കഴിഞ്ഞ ദിവസമാണ് മുക്താര്‍ അഹമ്മദ് ദോഹി കൊല്ലപ്പെട്ടത്. അവധിയിലായിരുന്ന മുക്താര്‍ അഹമ്മദിനെ വീട്ടില്‍ കയറി വെടിവെച്ചു കൊലപ്പെടുത്തുകയായിരുന്നു. സര്‍പഞ്ചിനെയും പഞ്ചായത്ത് അംഗത്തെയും ഭീകരര്‍ വധിച്ചതിന് പിന്നാലെയാണ് സിആര്‍പിഎഫ് ജവാനും കൊല്ലപ്പെട്ടത്. ഇതിന്റെ പശ്ചാത്തലത്തിലായിരുന്നു സൈന്യത്തിന്റെ പരിശോധന.
പ്രതികരിക്കാൻ ഇവിടെ എഴുതുക: