ന്യൂദല്‍ഹി: പ്രസിദ്ധ ബോളിവുഡ് താരം പ്രിയങ്ക ചോപ്രയ്ക്ക് അവരുടെ സമ്പന്നമായ അമേരിക്കയിലെ ലോസ് ഏഞ്ചല്‍സിലെ വീട്ടില്‍ ഒരു പൂജാമുറിയുണ്ടെന്ന് ലോകമറിഞ്ഞത് ശിവരാത്രി നാളിലാണ്. അവരുടെ വീട്ടിലെ പൂജാമുറിയില്‍ വിപുലമായ ശിവരാത്രി ആഘോഷമാണ് ചൊവ്വാഴ്ച നടന്നത്.
ഭര്‍ത്താവ് ജോനാസിനൊപ്പം വീട്ടിലെ ക്ഷേത്രത്തില്‍ ശിവപൂജയും പ്രാര്‍ത്ഥനയും നടത്തുന്ന ചിത്രങ്ങള്‍ ആരാധകര്‍ക്കായി ചൊവ്വാഴ്ച പ്രിയങ്ക ചോപ്ര പങ്കുവെച്ചിരുന്നു. വീട്ടിലെ ക്ഷേത്രത്തില്‍ മാര്‍ബിളിലുണ്ടാക്കിയ ഒരു വലിയ ശിവപ്രതിമയ്‌ക്ക് മുന്നില്‍ പ്രിയങ്കയും ജോനാസും ഇരിക്കുന്ന ചിത്രമാണ് ഇന്‍സ്റ്റഗ്രാമില്‍ പങ്കുവെച്ചിരിക്കുന്നത്. ‘ഹര്‍ ഹര്‍ മഹാദേവ്! ആഘോഷിക്കുന്ന എല്ലാവര്‍ക്കും ഹാപ്പി മഹാശിവരാത്രി’- ഇന്‍സ്റ്റഗ്രാമിലെ ചിത്രത്തോടൊപ്പം പ്രിയങ്ക കുറിച്ചു.
നിക് ജോനാസ് ഒരു വെളുത്ത കുര്‍ത്ത-പൈജാമയാണ് ധരിച്ചിരിക്കുന്നത്. പരമ്പരാഗത ഇന്ത്യന്‍ വേഷത്തിലാണ് പ്രിയങ്ക ചോപ്ര. ഇരുവര്‍ക്കും ആദ്യ കുഞ്ഞ് ജനിച്ചതിന് ശേഷമുള്ള ആദ്യ ശിവരാത്രിയാണിത്. വാടകഗര്‍ഭപാത്രത്തിലൂടെയാണ് ഇവര്‍ക്ക് ആദ്യ കുഞ്ഞ് ജനിച്ചത്.
പ്രതികരിക്കാൻ ഇവിടെ എഴുതുക: