കെഎച്ച്എൻഎ അരിസോണ രജിസ്ട്രേഷൻ ഡ്രൈവ് വൻ വിജയം

ഫീനിക്സ്: 2023 ഹ്യൂസ്റ്റൺ കൺവെൻഷനിലേക്കുള്ള രജിസ്ട്രേഷൻ ഡ്രൈവ് അരിസോണയിൽ ആരംഭിച്ചു. കെഎച്ച്എൻഎ വൈസ് പ്രസിഡൻ്റ് അഡ്വ. ഷാനവാസ് കാട്ടൂരിന്റെ നേതൃത്വത്തിൽ നടന്ന രജിസ്ട്രേഷൻ കാംപെയ്‌നിൽ ഇരുപത്തിയെട്ടു കുടുംബങ്ങൾ രജിസ്റ്റർ ചെയ്തു.  

ഫീനിക്സ് മലയാളി സമൂഹത്തിലെ നിറസാന്നിധ്യമായ രാജേഷ് മേനോനിൽ നിന്നും ആദ്യത്തെ ചെക്ക് സ്വീകരിച്ചുകൊണ്ട് രജിസ്ട്രേഷൻ ഡ്രൈവ് ഷാനവാസ് കാട്ടൂർ ഉദ്ഘാടനം ചെയ്തു. യോഗത്തിൽ അരിസോണയിലെ വിവിധ ഹിന്ദു സംഘടനാ ഭാരവാഹികളും പ്രവർത്തകരും സന്നിഹിതരായിരുന്നു.

അരിസോണയിൽ നിന്നും നൂറിലധികം കുടുംബങ്ങളെ ഹ്യൂസ്റ്റൺ കൺവെൻഷനിൽ പങ്കെടുപ്പിക്കുമെന്നു കൺവെൻഷൻ കോ-ചെയർമാൻ ഗണേഷ് പണിക്കർ പറഞ്ഞു. ട്രസ്റ്റീ ബോർഡ് അംഗങ്ങളായ ദിലീപ് പിള്ള, ശ്രീജിത്, ബാബു തിരുവല്ല എന്നിവർ പങ്കെടുത്തു.