കാഞ്ഞാണി: സൈക്കിൾ ഉപയോഗിക്കൂ വായു മലിനീകരണം കുറക്കൂ എന്ന സന്ദേശവുമായി ലോക പരിചിന്തന ദിനത്തിൽ ഏനാമാക്കൽ സെൻ്റ് ജോസഫ് ഹൈസ്കൂളിലെ സകൗട്ട്സ് ആൻ്റ് ഗൈഡ്സ് അംഗങ്ങൾ സൈക്കിൾ റാലി സംഘടിപ്പിച്ചു. വാർഡ് മെമ്പർ കൊച്ചപ്പൻ വടക്കൻ ഫ്ലാഗ് ഓഫ് ചെയ്തു.
പിടിഎ പ്രസിഡൻ്റ് ജോസ് വാവേലി അധ്യക്ഷനായി. ഫസ്റ്റ് അസിസ്റ്റൻറ് അജിതറോയ്, സകൗട്ട് ലോക്കൽ അസോസിയേഷൻ സെക്രട്ടറി കെ.ടി. സ്റ്റീഫൻ എന്നിവർ സംസാരിച്ചു. റാലിക്ക് സകൗട്ട് മാസ്റ്റർമാർ സി.ജെ. ജിസ്മി, ഗൈഡ്സ് ക്യാപ്പ്റ്റൻ അലീന ജേക്കബ് ടി. എന്നിവർ നേതൃത്വം നൽകി. റാലി കരുവന്തല, മേച്ചേരിപ്പടി എന്നീ കേന്ദ്രങ്ങളിലൂടെ സഞ്ചരിച്ച് സ്കൂളിൽ സമാപിച്ചു.
