കുന്നത്തൂര്‍: പ്രകൃതി കനിഞ്ഞനുഗ്രഹിച്ച ശാസ്താംകോട്ട ശുദ്ധജല തടാകത്തിന്റെ സംരക്ഷണ കാര്യത്തില്‍ സംസ്ഥാനസര്‍ക്കാര്‍ തികഞ്ഞ പരാജയമാണെന്ന് ബിജെപി ദേശീയ ഉപാധ്യക്ഷന്‍ എ.പി. അബ്ദുള്ളക്കുട്ടി. തടാകത്തിലേക്കുള്ള നീര്‍ച്ചാല്‍ നികത്തി തീരത്തെ കുന്നിടിച്ച് മണ്ണ് കടത്തിയ പ്രദേശം സന്ദര്‍ശിച്ച് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
ഒരു ജില്ലയുടെ ആകെ കുടിനീര്‍ സ്രോതസായ തടാകം അനുദിനം നാശത്തിലേക്ക് പോകുകയാണ്. ഈ നാശത്തിന് ആക്കം കൂട്ടുന്ന പ്രവൃത്തിയാണ് തടാകതീരത്തെ അനധികൃത നിര്‍മാണങ്ങളും കുന്നിന്‍ ചെരുവുകള്‍ ഇടിച്ചുനിരത്തിയുള്ള മണ്ണ് കടത്തലും. ഇതിന് സര്‍ക്കാര്‍ സംവിധാനങ്ങള്‍ തന്നെ കൂട്ടുനില്‍ക്കുന്നത് ജനങ്ങളോടുള്ള വെല്ലുവിളിയാണ്. ചെറുതും വലുതുമായ നിരവധി കയ്യേറ്റങ്ങളും പരിസ്ഥിതി ചൂഷണവും തടാകതീരത്ത് നടക്കുന്നു. ഇതിനെതിരെ സര്‍ക്കാര്‍ ശക്തമായ നടപടികളെടുക്കണമെന്നും അദ്ദേഹം ആവശ്യപ്പെട്ടു.
ജില്ലാ സെക്രട്ടറി കെ.ആര്‍.രാധാകൃഷ്ണന്‍, മണ്ഡലം പ്രസിഡന്റ് ആര്‍.ശ്രീനാഥ്, യുവമോര്‍ച്ച ജില്ലാ സെക്രട്ടറി മഹേഷ് മണികണ്ഠന്‍, അഖില്‍ ശാസ്താംകോട്ട എന്നിവര്‍ അനുഗമിച്ചു.
പ്രതികരിക്കാൻ ഇവിടെ എഴുതുക: