ലക്നൗ: കേരളവും കശ്മീരും പരാമര്ശം ഉത്തര്പ്രദേശിനെ സംരക്ഷിക്കേണ്ടത് തന്റെ ഉത്തരവാദിത്തം നിലപാടില് മാറ്റമില്ലെന്ന് വ്യക്തമാക്കിയ യോഗി ആദിത്യനാഥ്. ഉത്തര്പ്രദേശുകാര്ക്ക് മുന്നറിയിപ്പ് നല്കേണ്ടത് തന്റെ ഉത്തരവാദിത്തമാണ്. കേരളത്തിലെയും ബംഗാളിലെയും പോലെ രാഷ്ട്രീയക്കൊല യുപുയില് ഇല്ലെന്നും അദേഹം ചൂണ്ടിക്കാട്ടി.
തന്റെ ഭരണകാലത്ത് വര്ഗീയകലാപങ്ങളൊന്നും ഉണ്ടായില്ല. പ്രസ്താവനയില് ഉറച്ചുനില്ക്കുന്നുവെന്നും യോഗി വ്യക്തമാക്കി.
‘എനിക്ക് നിങ്ങളോട് ഇതാണ് പറയാനുള്ളത്. കഴിഞ്ഞ അഞ്ചുവര്ഷം സംസ്ഥാനത്ത് വലിയ മാറ്റങ്ങള് ഉണ്ടായി. നിങ്ങളുടെ വോട്ട് അഞ്ചു വര്ഷത്തെ എന്റെ പ്രയത്നത്തിനുള്ള അനുഗ്രഹമാണ്. അതിനാല് കശ്മീരിനേയും കേരളത്തേയും ബംഗാളിനേയും പോലെ ഉത്തര്പ്രദേശ് മാറാതിരിക്കാന് വോട്ട് ചെയ്യണം.’ ഇതായിരുന്നു വോട്ടര്മാര്ക്ക് യോഗി നല്കിയ സന്ദേശം. തെരഞ്ഞെടുപ്പിന്റെ ഒന്നാംഘട്ട വോട്ടെടുപ്പ് ദിനത്തില് പുറത്തിറക്കിയ വീഡിയോയില് ആയിരുന്നു പരാമര്ശം. ഇതിനെ വിവാദമാക്കാന് പ്രതിപക്ഷ കക്ഷികള് ശ്രമിച്ചിരുന്നു. എന്നാല് പാര്ട്ടി നേതൃത്വവും കേന്ദ്രമന്ത്രിമാരും യോഗിയെ പിന്തുണച്ച് രംഗത്തുവന്നു.
ഉത്തര്പ്രദേശില് വോട്ടെടുപ്പ് പുരോഗമിക്കുമ്പോള് തുടര്ഭരണം മാത്രമാണ് ബിജെപിക്ക് മുന്നിലുള്ളത്. മുഖ്യമന്ത്രി യോഗി ആദിത്യനാഥിന്റെ നേതൃത്വത്തിലുള്ള സംസ്ഥാന സര്ക്കാര് നടപ്പാക്കിയ വികസനത്തിന്റെ തേരോട്ടമാണ് ബിജെപി ജനങ്ങളോട് പങ്കുവെക്കുന്നത്.
അഞ്ചു വര്ഷം കൊണ്ട് യുപിയുടെ മുഖച്ഛായ മാറ്റുകയായിരുന്നു യോഗി സര്ക്കാര്. ഇക്കാലത്ത് നടപ്പാക്കിയ വികസനപ്രവൃത്തികള്, ജനക്ഷേമപദ്ധതികള്, തീര്ത്ഥാടനകേന്ദ്രങ്ങളുടെ നവീകരണം എന്നിവയെല്ലാം ബിജെപി ജനങ്ങളോട് വിശദീകരിക്കുന്നു. കോണ്ഗ്രസ് ഭരണകാലത്ത് അവഗണിക്കപ്പെട്ടിരുന്ന യുപിക്ക് യോഗി സര്ക്കാര് പുതിയ ദിശാബോധം നല്കുകയായിരുന്നു. വിദൂരഗ്രാമങ്ങളില് പോലും ഇന്ന് വികസനം എത്തുന്നു.
സംസ്ഥാനത്തെ കലാപരഹിതമാക്കുമെന്ന തെരഞ്ഞെടുപ്പ് വാദ്ഗാനം പാലിക്കാന് ബിജെപിക്കായി. അക്രമങ്ങളും കുറ്റകൃത്യങ്ങളും കുറഞ്ഞു. സ്ത്രീകള്ക്കും പെണ്കുട്ടികള്ക്കും തെരുവുകളിലൂടെ സ്വതന്ത്രമായി നടക്കാം. കേന്ദ്രത്തില് നരേന്ദ്രമോദി സര്ക്കാരും സംസ്ഥാനത്തെ യോഗി സര്ക്കാരും ചേര്ന്നുള്ള ഡബിള് എഞ്ചിന് സര്ക്കാരാണ് ബിജെപിയുടെ കരുത്ത്.
