ഇന്ത്യന് പ്രീമിയര് ലീഗിലെ പുതിയ അഹമ്മദാബാദ് ടീമിന് പേരായി. ഹാര്ദിക് പാണ്ഡ്യയുടെ നേതൃത്വത്തിലുള്ള ടീം ‘ഗുജറാത്ത് ടൈറ്റന്സ്’ എന്ന പേരില് അറിയപ്പെടുമെന്ന് ഫ്രാഞ്ചൈസി ബുധനാഴ്ച അറിയിച്ചു. സംസ്ഥാനത്തിന്റെ സമ്പന്നമായ ക്രിക്കറ്റ് പാരമ്പര്യത്തിന് സമര്പ്പണമായാണ് ഈ പേര് തിരഞ്ഞെടുത്തതെന്ന് ഫ്രാഞ്ചൈസി പറഞ്ഞു.
”ഈ ടീം ഗുജറാത്തിനും അതിന്റെ നിരവധി ആരാധകര്ക്കും വേണ്ടി മികച്ച നേട്ടങ്ങള് കൈവരിക്കണമെന്ന് ഞങ്ങള് ആഗ്രഹിക്കുന്നു, അതിനാലാണ് ‘ടൈറ്റന്സ്’ എന്ന പേര് തിരഞ്ഞെടുത്തത്” ഫ്രാഞ്ചൈസിയുടെ പ്രതിനിധി സിദ്ധാര്ത്ഥ് പട്ടേല് പറഞ്ഞു. ഐപിഎല് താരലേലത്തില് മികച്ച താരങ്ങളെ ടീമിലെത്തിക്കാന് കഴിയുമെന്ന ആത്മവിശ്വാസവും അദ്ദേഹം പങ്കുവെച്ചു.
ഐപിഎല് 15-ാം സീസണില് അരങ്ങേറ്റം കുറിക്കുന്ന ടീമില് ഹാര്ദികിന് പുറമെ അഫ്ഗാനിസ്ഥാന് സ്പിന്നര് റാഷിദ് ഖാനും യുവ ഇന്ത്യന് താരം ശുഭ്മാന് ഗില്ലും ഉണ്ട്. മുന് ഇന്ത്യന് പേസര് ആശിഷ് നെഹ്റ മുഖ്യ പരിശീലകനും വിക്രം സോളങ്കി ക്രിക്കറ്റ് ഡയറക്ടറും ലോകകപ്പ് നേടിയ ഇന്ത്യന് ടീമിന്റെ പരിശീലകനായ ഗാരി കിര്സ്റ്റനെ ടീം മെന്ററും ബാറ്റിംഗ് കോച്ചുമായി നിയമിച്ചുച്ചിട്ടുണ്ട്.
