ചെറുകോല്‍പ്പുഴ: അയിരൂര്‍ ചെറുകോല്‍പ്പുഴ ശ്രീ വിദ്യാധിരാജ നഗറിലെ ഹിന്ദുമത പരിഷത്തിന്റെ 110-ാമത് സമ്മേളന വേദിയില്‍ സ്ഥാപിക്കുവാനുള്ള ശ്രീ വിദ്യാധിരാജ ചട്ടമ്പി സ്വാമികളുടെ ഛായാചിത്രം വാഴൂര്‍ തീര്‍ത്ഥപാദാശ്രമം മഠാധിപതി പ്രജ്ഞാനാനന്ദ തീര്‍ത്ഥപാദ സ്വാമികളില്‍ നിന്നും എഴുമറ്റൂര്‍ ശ്രീ പരമ ഭട്ടാരാശ്രമത്തില്‍ വച്ച് ഹിന്ദു മത മഹാമണ്ഡലം പ്രസിഡന്റ് പി.എസ്.നായര്‍ ഏറ്റുവാങ്ങി.
ജനറല്‍ കണ്‍വീനര്‍ അഡ്വ. പ്രകാശ് ചരളേലിനു കൈമാറി.മിഡില്‍ ഈസ്റ്റ് ഹിന്ദു അസോസിയേഷന്‍ പ്രസിഡന്റ് ഡോ. ഗോപാല്‍ കെ.നായര്‍ മുഖ്യ പ്രഭാഷണം നടത്തി.എസ്.എന്‍.ഡി.പി. ഇന്‍സ്‌പെക്ടിംഗ് ഓഫീസര്‍ എസ്. രവീന്ദ്രന്‍, വൈസ് പ്രസിഡന്റ്മാരായ മുന്‍ എംഎല്‍എ മാലേത്ത് സരളാദേവി, അഡ്വ.കെ.ഹരിദാസ്, സെക്രട്ടറി എ.ആര്‍. വിക്രമന്‍ പിള്ള, കണ്‍വിനര്‍മാരായ അഡ്വ.കെ. ജയവര്‍മ്മ, അനില്‍ പൈക്കര, ശ്രീജിത്ത് അയിരൂര്‍, സുരേഷ്.ആര്‍, സന്തോഷ് സായി നിവാസ്, പബ്ലിസിറ്റി കണ്‍വീനര്‍ അനിരാജ് ഐക്കര എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: