കല്‍പ്പറ്റ: പൊലീസിനെ വെല്ലുവിളിച്ച ഗൂണ്ട മാഫിയ തലവന്‍ പല്ലന്‍ ഷൈജു അറസ്റ്റില്‍. വയനാട്ടിലെ റിസോര്‍ട്ടില്‍ നിന്നാണ് ഇയാളെ പൊലീസ് സംഘം അറസ്റ്റ് ചെയ്തത്. കോട്ടയ്‌ക്കല്‍ പോലീസാണ് പല്ലനെ അറസ്റ്റ് ചെയ്തത്. അടുത്തിടെ കാപ്പ ചുമത്തി നാടു കടത്തപ്പെട്ട പല്ലന്‍ ഷൈജു പൊലീസിനെ വെല്ലുവിളിച്ച് സമൂഹമാധ്യമങ്ങളിലൂടെ വീഡിയോ പോസ്റ്റ് ചെയ്തിരുന്നു. ആഡംബര ബോട്ടില്‍ ഇരുന്ന് യാത്ര ചെയ്തായിരുന്നു വെല്ലുവിളി. ഇതിനു പിന്നാലെ ഇയാള്‍ക്കായി പൊലീസ് തെരച്ചില്‍ ശക്തമാക്കുകയായിരുന്നു. തുടര്‍ന്നാണ് ഇയാള്‍ വയനാട്ടില്‍ നിന്ന് പൊലീസ് പിടിയിലായത്.
കൊടകര സ്വദേശിയായ ഷൈജുവിനെ തൃശൂര്‍ റൂറല്‍ പോലീസാണ് കാപ്പ ചുമത്തി നാടുകടത്തിയത്. കൊലപാതകം, കവര്‍ച്ച, കുഴല്‍പ്പണം, കഞ്ചാവ് കടത്ത് ഉള്‍പ്പെടെ നിരവധി കേസുകളില്‍ ഇയാള്‍ പ്രതിയാണ്.
പ്രതികരിക്കാൻ ഇവിടെ എഴുതുക: