ഹൈദരാബാദ്: പ്രധാനമന്ത്രി നരേന്ദ്രമോദി നാളെ ഹൈദരാബാദ് സന്ദര്ശിക്കും. നാളെ ഉച്ചയ്ക്ക് 2.45ന് ദേശീയ വിള ഇന്സ്റ്റിറ്റിയൂട്ട് സന്ദര്ശിക്കുന്ന അദ്ദേഹം വൈകിട്ട് അഞ്ചിന് പ്രതിമ അനാച്ഛാദനം ചെയ്യും. പതിനൊന്നാം നൂറ്റാണ്ടില് ജീവിച്ചിരുന്ന, രാമാനുജാചാര്യയുടെ കൂറ്റന് പ്രതിമയാണിത്. പഞ്ചലോഹത്തിലുള്ള 216 അടി ഉയരമുള്ള പ്രതിമ, 54 അടി ഉയരമുള്ള ഭദ്ര വേദിയെന്ന വേദ ലൈബ്രറി കെട്ടിടത്തിന്റെ മുകളിലാണ് സ്ഥാപിച്ചിരിക്കുന്നത്.
ഹൈദരാബാദിലെ പട്ടഞ്ചെരുവിലുള്ള ഇന്റര്നാഷണല് ക്രോപ്സ് റിസര്ച്ച് ഇന്സ്റ്റിറ്റിയൂട്ട് ഫോര് സെമിഎരിഡ് ട്രോപിക്സ് (ഇക്രിസാറ്റ് ) കാമ്പസ് സന്ദര്ശിക്കുകയും അതിന്റെ 50ാം വാര്ഷികാഘോഷങ്ങള്ക്ക് തുടക്കമിടുകയും ചെയ്യും. വൈകുന്നേരം അഞ്ചു മണിക്ക് ഹൈദരാബാദിലെ ‘സമത്വ പ്രതിമ’ പ്രധാനമന്ത്രി രാഷ്ട്രത്തിന് സമര്പ്പിക്കും.
വിശ്വാസവും ജാതിയും മതവും ഉള്പ്പെടെ ജീവിതത്തിന്റെ എല്ലാ മേഖലകളിലും സമത്വം എന്ന ആശയം അദ്ദേഹം പ്രചരിപ്പിച്ചു. സ്വര്ണ്ണം, വെള്ളി, ചെമ്പ്, പിച്ചള, നാകം എന്നീ അഞ്ച് ലോഹങ്ങളുടെ സംയോജനമായ ‘പഞ്ചലോഹ’ കൊണ്ടാണ് ഈ പ്രതിമ നിര്മ്മിച്ചിരിക്കുന്നത്, ലോകത്തിലെ ഏറ്റവും ഉയരമുള്ള ലോഹ പ്രതിമകളില് ഒന്നാണിത്. ‘ഭദ്ര വേദി’ എന്ന് പേരിട്ടിരിക്കുന്ന 54 അടി ഉയരമുള്ള അടിത്തറയുള്ള കെട്ടിടത്തിലാണ് ഇത് സ്ഥാപിച്ചിരിക്കുന്നത്, ഒരു വേദ ഡിജിറ്റല് ലൈബ്രറിയും ഗവേഷണ കേന്ദ്രവും, പുരാതന ഇന്ത്യന് ഗ്രന്ഥങ്ങള്, ഒരു തിയേറ്റര്, രാമാനുജാചാര്യരുടെ നിരവധി കൃതികള് വിശദീകരിക്കുന്ന ഒരു വിദ്യാഭ്യാസ ഗാലറി എന്നിവയ്ക്കായി നീക്കിവച്ചിരിക്കുന്ന നിലകളുണ്ട്. രാമാനുജാചാര്യ ആശ്രമത്തിലെ ശ്രീ ചിന്നജീയര് സ്വാമിയാണ് പ്രതിമയുടെ ആശയം രൂപപ്പെടുത്തിയത്.
പരിപാടിയില് രാമാനുജാചാര്യരുടെ ജീവിതയാത്രയും അദ്ധ്യാപനവും സംബന്ധിച്ച 3ഡി അവതരണ മാപ്പിംഗും പ്രദര്ശിപ്പിക്കും. സമത്വ പ്രതിമയ്ക്ക് ചുറ്റുമുള്ള 108 ദിവ്യദേശങ്ങളുടെ (അലങ്കാരമായി കൊത്തിയെടുത്ത ക്ഷേത്രങ്ങള്) സമാന വിനോദങ്ങളും പ്രധാനമന്ത്രി സന്ദര്ശിക്കും.
ദേശീയത, ലിംഗഭേദം, വര്ഗം, ജാതി, മതം എന്നിവ പരിഗണിക്കാതെ എല്ലാ മനുഷ്യരും തുല്യരാണെന്ന മനോഭാവത്തോടെ ജനങ്ങളുടെ ഉന്നമനത്തിനായി രാമാനുജാചാര്യ അക്ഷീണം പ്രവര്ത്തിച്ചു. രാമാനുജാചാര്യരുടെ 1000ാം ജന്മവാര്ഷിക ആഘോഷമായ 12 ദിവസത്തെ ശ്രീരാമാനുജ സഹസ്രാബ്ദി സമാരോഹത്തിന്റെ ഭാഗമായാണ് സമത്വ പ്രതിമയുടെ ഉദ്ഘാടനം.
സന്ദര്ശന വേളയില് പ്രധാനമന്ത്രി ഇക്രിസാറ്റിന്റെ 50ാം വാര്ഷിക ആഘോഷങ്ങള്ക്ക് തുടക്കം കുറിക്കും. ഇക്രിസാറ്റിന്റെ സസ്യ സംരക്ഷണത്തിനായുള്ള കാലാവസ്ഥാ വ്യതിയാന ഗവേഷണ സൗകര്യവും ഇക്രിസാറ്റിന്റെ റാപ്പിഡ് ജനറേഷന് അഡ്വാന്സ്മെന്റ് ഫെസിലിറ്റിയും പ്രധാനമന്ത്രി ഉദ്ഘാടനം ചെയ്യും. ഈ രണ്ട് സൗകര്യങ്ങളും ഏഷ്യയിലെയും സബ്സഹാറന് ആഫ്രിക്കയിലെയും ചെറുകിട കര്ഷകര്ക്ക് സമര്പ്പിച്ചിരിക്കുന്നു. ഇക്രിസാറ്റിന്റെ പ്രത്യേകം രൂപകല്പന ചെയ്ത ലോഗോയും , സ്മാരക സ്റ്റാമ്പും പ്രധാനമന്ത്രി തദവസരത്തില് പ്രകാശനം ചെയ്യും.
ഏഷ്യയിലും സബ്സഹാറന് ആഫ്രിക്കയിലും വികസനത്തിനായി കാര്ഷിക ഗവേഷണം നടത്തുന്ന ഒരു അന്താരാഷ്ട്ര സംഘടനയാണ് ഇക്രിസാറ്റ്. മെച്ചപ്പെട്ട വിള ഇനങ്ങളും സങ്കരയിനങ്ങളും നല്കിക്കൊണ്ട് ഇത് കര്ഷകരെ സഹായിക്കുന്നു. വരണ്ട പ്രദേശങ്ങളിലെ ചെറുകിട കര്ഷകരെ കാലാവസ്ഥാ വ്യതിയാനത്തിനെതിരെ പോരാടാന് സഹായിക്കുകയും ചെയ്യുന്നു.
