കര്‍ണാടകയിലെ പ്രശസ്തമായ ആനെഗുഡ്ഡെ ശ്രീ വിനായക ക്ഷേത്രം സന്ദര്‍ശിച്ച് കെജിഎഫ് താരം യാഷ്. ‘കെജിഎഫ് 2’ന്റെ പോസ്റ്റ് പ്രൊഡക്ഷന്‍ ജോലികളില്‍ നടക്കുന്നതിനിടയിലാണ് താരത്തിന്റെ ഈ സന്ദര്‍ശനം.
‘കെജിഎഫ് 2’ സിനിമയുടെ ടീമിനൊപ്പമാണ് യാഷ് ഗണപതിയുടെ അനുഗ്രഹം തേടി എത്തിയത്. സിനിമയുടെ സംഗീത പ്രവര്‍ത്തനങ്ങള്‍ പുരോഗമിക്കുകയാണ്. ഇതിനിടയിലാണ് അണിയറപ്രവര്‍ത്തകര്‍ക്കൊപ്പം യാഷ് അനുഗ്രം തേടിയത്. ആനെഗുഡ്ഡെ ക്ഷേത്രം സന്ദര്‍ശിച്ച ശേഷം കൊല്ലൂര്‍ മൂകാംബിക ക്ഷേത്രത്തിലെത്തിലും യാഷ് എത്തി. ദേവിയുടെ അനുഗ്രഹം വാങ്ങി പൂജ വഴിപാടുകളും നടത്തിയാണ് മടങ്ങിയത്.
കെജിഎഫ് ആദ്യ ഭാഗം വലിയ ജനപ്രീതി നേടിയിരുന്നു. അതിനുശേഷമാണ് രണ്ടാം ഭാഗവുമായി എത്തുന്നത്. ഏപ്രില്‍ 14ന് ചിത്രം തിയേറ്ററുകളില്‍ എത്തും. ഒരു മാസ്സ് ലുക്കില്‍ തന്നെയാകും യാഷിന്റെ വരവും. താരം ക്ഷേത്രത്തില്‍ ദര്‍ശനം നടത്തിയ ഫോട്ടോയും വീഡിയോകളും ഇന്റര്‍നെറ്റില്‍ ഉടനീളം വൈറവലായി പ്രചരിക്കുന്നുണ്ട്.
