തിരുവനന്തപുരം: റേഷന് കടകളുടെ പ്രവര്ത്തന സമയത്തില് ഏര്പ്പെടുത്തിയിരുന്ന ക്രമീകരണം പിന്വലിച്ചു. ഇന്ന് മുതല് സംസ്ഥാനത്തെ എല്ലാ റേഷന് കടകളും രാവിലെ 8.30 മുതല് 12.30 വരെയും വൈകിട്ടു മൂന്നു മുതല് 6.30 വരെയും പ്രവര്ത്തിക്കും.
റേഷന് സമയം പുനഃസ്ഥാപിക്കുന്നതുമായി ബന്ധപ്പെട്ടു മന്ത്രിയുടെ അധ്യക്ഷതയില് ഭക്ഷ്യ സിവില് സപ്ലൈസ് വകുപ്പിലെ ഉന്നത ഉദ്യോഗസ്ഥരുടേയും സാങ്കേതിക വിദഗ്ധരുടേയും യോഗം ഓണ്ലൈനായി ചേര്ന്നു. റേഷന് വിതരണവുമായി ബന്ധപ്പെട്ട സാങ്കേതിക സംവിധാനങ്ങള്ക്കു നിലവില് യാതൊരു തകരാറുകളും ഇല്ലെന്നും റേഷന് വിതരണത്തിന് ഏര്പ്പെടുത്തിയിരുന്ന സമയ ക്രമീകരണം തുടരേണ്ടതില്ലെന്നും യോഗത്തില് സാങ്കേതിക വിദഗ്ധര് അഭിപ്രായപ്പെട്ടു.
