ആലപ്പുഴ: ബന്ധു വീട്ടില് വിവാഹത്തിനെത്തിയ യുവാവിനെ മൂന്ന് അംഗ അക്രമി സംഘത്തിന്റെ വെട്ടേറ്റ് ഗുരുതരമായ പരിക്കുകളോടെ ആലപ്പുഴ മെഡിക്കല് കോളേജ് ആശുപത്രിയില് പ്രവേശിപ്പിച്ചു. ആലപ്പുഴ ആശ്രമം വാര്ഡില് ചെമ്മോത്ത് വീട്ടില് നന്ദു (സന്ദീപ്-18) ആണ് ചികിത്സയില് കഴിയുന്നത്.
തിങ്കളാഴ്ച രാത്രി 9മണിയോടെ നന്ദുവിന്റെ പിതാവ് ശശികുമാറിന്റെ സഹോദരന്റെ പൂങ്കാവിലുള്ള വീടിന് സമീപത്തെ റോഡില് വെച്ചായിരുന്നു അക്രമം. ബന്ധുവിന്റെ വിവാഹത്തിന് എത്തിയപ്പോഴുണ്ടായ തര്ക്കത്തില് നന്ദുവിനെ കണ്ടാലറിയാവുന്ന മൂന്ന് യുവാക്കള് ചേര്ന്ന് പുറത്തേക്ക് ഇറക്കികൊണ്ടുപോയി ആക്രമിക്കുകയായിരുന്നു.
തുടര്ന്ന് ഇവര് കൈവശം കരുതിയ ആയുധം കൊണ്ട് നന്ദുവിനെ വെട്ടുകയായിരുന്നു. വെട്ടില് തലയുടെ ഇടത് ഭാഗത്താണ് ഗുരുതരമായ മുറിവേറ്റു. വിവാഹ വീട്ടിലുണ്ടായരുന്നവര് നന്ദുവിനെ ആദ്യം ജനറല് ആശുപത്രിയിലും പിന്നീട് മെഡിക്കല് കോളേജ് ആശുപത്രിയിലേക്ക് മാറ്റി. മൂന്ന് പേര്ക്ക് എതിരെ നോര്ത്ത് പോലീസ് കേസ് എടുത്തു പ്രതികള്ക്കായി തിരച്ചില് ആരംഭിച്ചു.
