ന്യൂദൽഹി: പഞ്ചാബ് കോൺഗ്രസിന്റെ അദ്ധ്യക്ഷൻ നവ്ജ്യോത് സിംഗ് സിദ്ദുവിനെ മന്ത്രിയാക്കാൻ പാകിസ്താൻ പ്രധാനമന്ത്രി ഇമ്രാന് ഖാന് സമ്മര്ദ്ദം ചെലുത്തിയെന്ന വെളിപ്പെടുത്തലുമായി ക്യാപ്റ്റൻ അമരീന്ദർ സിംഗ്. ഇതോടെ പഞ്ചാബിൽ നവ്ജ്യോത് സിംഗിന്റെ പാക് ബന്ധം വീണ്ടും ചർച്ചയായിരിക്കുകയാണ്.
കോണ്ഗ്രസിന്റെ മുഖ്യമന്ത്രി പദവിയ്ക്കായി പോരാടുന്ന സിദ്ദുവിന് ഈ പ്രസ്താവന തിരിച്ചടിയാകുമിതെന്നാണ് വിലയിരുത്തൽ. സിദ്ദുവിനെ മന്ത്രിസഭയിൽ എടുക്കുകയാണെങ്കിൽ എന്നും നന്ദിയുള്ളവനായിരിക്കും താനെന്ന് ഇമ്രാൻ ഖാൻ പറഞ്ഞതായി അമരീന്ദര് സിങ്ങ് പറഞ്ഞു.
സിദ്ദു തന്റെ പഴയൊരു സുഹൃത്താണ്. അദ്ദേഹം വേണ്ടവിധത്തിൽ പ്രവർത്തിച്ചില്ലെങ്കിൽ മന്ത്രിസഭയിൽ നിന്നും പുറത്താക്കാമെന്നും ഇമ്രാൻ ഖാൻ പറഞ്ഞിരുന്നതായി അമരീന്ദർ പറയുന്നു.
