രാജ്യത്ത് കോവിഡ് രോഗികളുടെ എണ്ണത്തില്‍ നേരിയ കുറവ്; ഒമിക്രോണ്‍ കേസുകള്‍ പതിനായിരം പിന്നിട്ടു

ന്യൂദല്‍ഹി: രാജ്യത്ത് കോവിഡ് രോഗികളുടെ എണ്ണത്തില്‍ നേരിയ കുറവ്. കഴിഞ്ഞ 24 മണിക്കൂറില്‍ 3,37,704 പേര്‍ക്ക് രോഗം സ്ഥിരീകരിച്ചു. കഴിഞ്ഞ ദിവസത്തേക്കാള്‍ 9550 എണ്ണത്തിന്റെ കുറവ്. 488 മരണം റിപ്പോര്‍ട്ട് ചെയ്തു. 

കഴിഞ്ഞ 24 മണിക്കൂറില്‍ 2,42,676 പേര്‍ രോഗമുക്തി നേടി. 17.22 ശതമാനമാണ് ടെസ്റ്റ് പോസിറ്റിവിറ്റി നിരക്ക്. രാജ്യത്ത് 21,13,365 കോവിഡ് രോഗികളാണുള്ളത്. ഒമിക്രോണ്‍ കേസുകള്‍ 3.69% വര്‍ധിച്ച് 10,050 കേസുകളായിട്ടുണ്ട്. കേരളമാണ് ടിപിആറില്‍ മുന്നില്‍.