ശ്രീകൃഷ്ണപുരം: വെള്ളിനേഴി ഗ്രാമപഞ്ചായത്തിലെ രണ്ടാം വാര്ഡ് ബിജെപി ജനപ്രതിനിധി ഒ. ഗോപാല കൃഷ്ണന് ഒന്നാം വാര്ഷികം പൂര്ത്തിയാക്കികൊണ്ടുള്ള ആഘോഷത്തിന്റെ ഭാഗമായി രണ്ടാം വാര്ഡിനെ സമ്പൂര്ണ സുകന്യ സമൃദ്ധി യോജന വാര്ഡായി പ്രഖ്യാപിച്ചു.
വെള്ളിനേഴി സരസ്വതി വിദ്യാനികേതനില് നടന്ന ചടങ്ങില് പദ്ധതിയില് ചേര്ന്നവര്ക്കുള്ള കാര്ഡിന്റെ വിതരണോദ്ഘാടനം ബിജെപി സംസ്ഥാന വക്താവ് സന്ദീപ് വാര്യര് നിര്വഹിച്ചു. പഞ്ചായത്ത് കമ്മിറ്റി പ്രസിഡന്റ് ഗോപാലകൃഷ്ണന് അധ്യക്ഷത വഹിച്ചു.
70 തൊഴില് ദിനങ്ങള് പൂര്ത്തിയാക്കിയ വാര്ഡിലെ തൊഴിലുറപ്പ് തൊഴിലാളികളെ ആദരിച്ചു. വാര്ഡ് മെമ്പര് ഒ. ഗോപാലകൃഷ്ണന്, ബിജെപി ചെര്പ്പുളശ്ശേരി മണ്ഡലം പ്രസിഡന്റ് വിനോദ് കുളങ്ങര, ജന.സെക്രട്ടറി ഹരിദാസന്, മണ്ഡലം സെക്രട്ടറി പി. അജയന്, ഒബിസി മോര്ച്ച മണ്ഡലം പ്രസിഡന്റ് നാരായണന്കുട്ടി, കൃഷ്ണപ്രസാദ്, വെള്ളിനേഴി പഞ്ചായത്ത് സെക്രട്ടറി ശിവദാസന് സംസാരിച്ചു.
