ലഖ്നോ: ബിജെപി വിട്ട് സമാജ് വാദി പാര്ട്ടിയില് ചേര്ന്ന സ്വാമി പ്രസാദ് മൗര്യ പണ്ട് അഖിലേഷ് യാദവിനെ മാഫിയ എന്ന് വിളിക്കുന്ന വീഡിയോ വൈറലാകുന്നു.
ബിജെപിയുടെ മന്ത്രി കൂടിയായ സ്വാമി പ്രസാദ് മൗര്യ കഴിഞ്ഞ ദിവസം മന്ത്രിസ്ഥാനം രാജിവെച്ചാണ് സമാജ് വാദി പാര്ട്ടിയിലേക്ക് കൂടുമാറിയത്. മകന് നിയമസഭാ സീറ്റ് നിഷേധിച്ചതിനാണ് സ്വാമി പ്രസാദ് മൗര്യ ബിജെപി വിട്ടത്. പണ്ട് സമാജ് വാദി പാര്ട്ടിക്കെതിരെ ശക്തമായ പ്രചാരണം അഴിച്ചുവിട്ട നേതാവാണ് സ്വാമി പ്രസാദ് മൗര്യ. സമാജ് വാദി പാര്ട്ടിയെ ഗുണ്ടകളും മാഫിയകളും നിറഞ്ഞ പാര്ട്ടി എന്നും സ്വാമി പ്രസാദ് മൗര്യ വിളിച്ചിരുന്നു.
യുപി നിയമസഭയില് 2016ല് നടത്തിയ പ്രസംഗത്തിലാണ് സ്വാമി പ്രസാദ് മൗര്യ സമാജ് വാദി പാര്ട്ടിയെ ഗുണ്ടകളുടെയും മാഫിയകളുടെയും പാര്ട്ടി എന്നാണ് വിശേഷിപ്പിക്കുന്നത്. ‘ഈ മാന്യന്, നിയമസഭയില് സമാജ് വാദി പാര്ട്ടിയെക്കുറിച്ച് സത്യം പറഞ്ഞിരിക്കുകയാണ്. ഈ മാന്യന്റെ പേരാണ് സ്വാമി പ്രസാദ് മൗര്യ’- വീഡിയോ പങ്കുവെച്ച് ബിജെപിയുടെ പ്രീതി ഗാന്ധി ട്വിറ്ററില് പങ്കുവെച്ച കുറിപ്പാണിത്.
