മലപ്പുറം : അയല്‍വാസിയെ മര്‍ദ്ദിച്ചെന്ന കേസില്‍ ജീവകാരുണ്യ പ്രവര്‍ത്തകനും വ്‌ളോഗറുമായ സുശാന്ത് നിലമ്പൂര്‍ അറസ്റ്റില്‍. വഴിത്തര്‍ക്കവുമായി ബന്ധപ്പെട്ട് തന്നെ കമ്പുപയോഗിച്ച് മര്‍ദ്ദിച്ചെന്ന് ആരോപിച്ച് അയല്‍വാസി സുഭാഷ് നല്‍കിയ പരാതിയിലാണ് നടപടി. വണ്ടൂര്‍ പോലീസാണ് അറസ്റ്റ് ചെയ്തത്.
2018 ഫെബ്രുവരി 18 നാണ് കേസിനാസ്പദമായ സംഭവം. കേസില്‍ ഹാജരാകാന്‍ ആവശ്യപ്പെട്ട് സുശാന്തിന് സമന്‍സ് അയച്ചിരുന്നു. എന്നിട്ടും ഹാജരാകാതിരുന്നതിനെ തുടര്‍ന്ന് പോലീസ് സുശാന്തിന്റെ വീട്ടിലെത്തി അറസ്റ്റ് രേഖപ്പെടുത്തുകയായിരുന്നു.
രാവിലെ 6.30ഓടെയാണ് പോലീസ് തെക്കുംപാടത്തെ സുശാന്തിന്റെ വീട്ടിലെത്തുകയായിരുന്നു. അറസ്റ്റ് രേഖപ്പെടുത്തിയ പ്രതിയെ പെരിന്തല്‍മണ്ണ കോടതിയില്‍ ഹാജരാക്കി.
പ്രതികരിക്കാൻ ഇവിടെ എഴുതുക: