കണ്ണകി എന്ന ചിത്രത്തിലൂടെ ശ്രദ്ധേയനായ സജീവ് കിളികുലം സംവിധാനം ചെയ്യുന്ന പുതിയ ചിത്രമാണ് ദ്രാവിഡ രാജകുമാരന്. ശ്രീ നീലകണ്ഠ ഫിലിംസിന്റെ ബാനറില് വിനിത തുറവൂര് നിര്മ്മിക്കുന്ന ചിത്രത്തിന്റെ ചിത്രീകരണം കണ്ണൂരില് പുരോഗമിക്കുന്നു. സജീവ് കിളികുലം, സംവിധാനം, രചന, സംഗീതം, ഗാനരചന എന്നിവ നിര്വ്വഹിയ്ക്കുന്ന ദ്രാവിഡ രാജകുമാരന് എന്ന ചിത്രത്തില്, ജിജോ ഗോപി ആണ് നായകന്. വിശ്വന് മലയന് എന്ന വ്യത്യസ്ത കഥാപാത്രത്തെയാണ് ജിജോ ഗോപി ചിത്രത്തില് അവതരിപ്പിക്കുന്നത്.
താളമേളങ്ങളുടെ പശ്ചാത്തലത്തില്, താളപ്പിഴകളുടെ കഥ പറയുകയാണ് ദ്രാവിഡ രാജകുമാരന്. സ്നേഹവും, പ്രണയവും, ജീവിത കാമനകളും പങ്കുവെച്ചു തീരും മുന്പേ, ജീവിതകാശത്തില് പോയ്മറഞ്ഞ പെരുമലയന്റ കഥ പറയുകയാണ് ദ്രാവിഡ രാജകുമാരന് എന്ന ചിത്രത്തിലൂടെ സജീവ് കിളികുലം.
ജിജോ ഗോപി, സാവന്തിക, ഡോ. അനഘ, സന്തോഷ് കീഴാറ്റൂര്, ശിവദാസന് മട്ടന്നൂര്, ബിന്ദുവാരാപ്പുഴ, രാജേന്ദ്രന്, നാദം മുരളി, എം.ടി. റിയാസ്, സായി വെങ്കിടേഷ്, സുരേഷ്, രവി, പ്രമോദ്, രതീഷ്, ഷാദുല് ബ്രോണ്, ഷാനവാസ് ഖാന്, അജിത്ത് പിണറായി, ഷൈജു, കൊച്ചു പ്രദീപ്, കൃഷ്ണ, ഗീത, അശ്വതി ബാലന്, പ്രീത, അധീന, മാസ്റ്റര് നീലകണ്ഠന് എന്നിവരാണ് ചിത്രത്തിലെ അഭിനേതാക്കള്.
രചന, സംഗീതം, ഗാനരചന- സജീവ് കിളികുലം, ക്യാമറ- പ്രശാന്ത് മാധവ്, എഡിറ്റര്- ഹരി ജി.നായര്, കല- ഷാജി മമ്മാലി, മേക്കപ്പ്- ധര്മ്മന് പാമ്പാടി, വസ്ത്രാലങ്കാരം -സുരേഷ്, പിആര്ഒ- അയ്മനം സാജന്.
