മുംബൈ : സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന് ബിനോയിക്കെതിരായ പീഡനകേസില് ഡിഎന്എ ഫലം പുറത്തുവിടണമെന്ന ഹര്ജി കോടതി ഇന്ന് പരിഗണിക്കും. ഡിഎന്എ പരിശോധനയ്ക്കായി സാംപിളുകള് ശേഖരിച്ചെങ്കിലും ഫലം പുറത്തുവന്നിട്ടില്ല. ഇതിനെ തുടര്ന്ന് ഫലം പുറത്തുവിടണമെന്നാവശ്യപ്പെട്ട് ബീഹാര് സ്വദേശിനി ബോംബെ ഹൈക്കോടതിയെ സമീപിക്കുകയായിരുന്നു.
കേസ് അനിശ്ചിതമായി നീട്ടിക്കൊണ്ട് പോവരുതെന്നും ഫലം പുറത്ത് വരുന്നതോടെ സത്യം തെളിയിക്കപ്പെടും എന്നും ചൂണ്ടിക്കാട്ടി കഴിഞ്ഞ മാസം മൂന്നാം തീയതിയാണ് യുവതി ഹൈക്കോടതിയെ സമീപിച്ചത്. ബിഹാര് സ്വദേശിനി നല്കിയ ലൈംഗിക പീഡന പരാതി തള്ളണമെന്നാവശ്യപ്പെട്ട് ബിനോയ് കോടിയേരി സമര്പ്പിച്ച ഹര്ജിയിലാണ് രണ്ടര വര്ഷം മുമ്പ് ബോബെ ഹൈക്കോടതി ഡിഎന്എ ടെസ്റ്റ് നടത്താന് ആവശ്യപ്പെട്ടത്.
2019 ജൂലൈ 30 ന് ബൈക്കുള ജെ.ജെ ആശുപത്രിയില് ഡിഎന്എ പരിശോധന നടത്തുകയും ചെയ്തു. എന്നാല് 17മാസത്തിന് ശേഷം 2020 ഡിസംബറിലാണ് ഫലം ലഭിച്ചത്. സീല് ചെയ്ത കവറില് അത് കോടതിക്ക് കൈമാറിയിട്ടുണ്ട്. ഈ ഫലമാണ് പുറത്ത് വിടണമെന്നാണ് യുവതി ആവശ്യപ്പെടുന്നത്.
ബിഹാര് സ്വദേശിനിയായ യുവതി 2019 ജൂണ് 13-നാണ് ബിനോയിക്കെതിരെ പീഡന പരാതി നല്കിയത്. ബിനോയ് കോടിയേരി വിവാഹ വാഗ്ദാനം നല്കി പീഡിപ്പിച്ചന്നാണ് യുവതിയുടെ പരാതി. ബിനോയിയുമായുള്ള ബന്ധത്തില് എട്ട് വയസ്സുള്ള കുട്ടിയുണ്ടെന്നും പരാതിയില് യുവതി പറയുന്നു. കുട്ടിയ്ക്കും തനിക്കും ജീവിക്കാനുള്ള ചെലവ് ബിനോയി നല്കണമെന്നും യുവതി ആവശ്യപ്പെട്ടിരുന്നു.
