പാറശ്ശാല: പാറശ്ശാലയില്‍ പോലീസ് കാറില്‍ കടത്തിയ റേഷനരി പിടികൂടി. കഴിഞ്ഞദിവസം അതിരാവിലെ ഇഞ്ചിവിളയില്‍ നടത്തിയ വാഹന പരിശോധനയിലാണ് സിമന്റ്ചാക്കില്‍ കടത്തിയ 1100 കിലോ റേഷനരി കണ്ടെത്തിയത്.
തമിഴ്‌നാട് കാറില്‍ വ്യാജനമ്പര്‍ പതിച്ചാണ് അരി കടത്തിയത്. മാര്‍ത്താണ്ഡം ഇരവിപൂത്തൂര്‍ മഞ്ചാടി വീട്ടില്‍ നാഗരാജ(35)നെ അറസ്റ്റ് ചെയ്തു. അതിര്‍ത്തിയിലെ സ്വകാര്യ ഗോഡൗണിലേക്ക് കൊണ്ടുപോകുമ്പോഴാണ് പിടിയിലായത്. ജില്ലാ പോലീസ് മേധാവിയുടെ നിര്‍ദ്ദേശപ്രകാരം ഗുണ്ടകളെ പിടികൂടുന്നതിന് നിയോഗിച്ച സംഘം അതിര്‍ത്തിയില്‍ നടത്തിയ വാഹന പരിശോധനയിലാണ് റേഷനരി പിടികൂടിയത്.
നര്‍കോട്ടിക് സെല്‍ ഡിവൈഎസ്പി വി.വി.രാസിത്ത്, എസ്‌ഐ കെ.ഷിബുകുമാര്‍, പാറശ്ശാല സിഐ സതികുമാര്‍, സിപിഒ അഭിലാഷ്, അരുണ്‍, അലക്‌സ്, എന്നിവര്‍ അടങ്ങുന്ന സംഘമാണ് പരിശോധന നടത്തിയത്, ലഹരിവില്‍പ്പന, ഗുണ്ടാപ്രവര്‍ത്തനം, അപരിചിതരെ സ്ഥിരം സാന്നിധ്യം, തുടങ്ങിയ ഇടപാടുകള്‍ ശ്രദ്ധയില്‍പ്പെട്ടാല്‍ 9497990016 എന്ന നമ്പരില്‍ അറിയിക്കാനാണ് പോലീസ് നിര്‍ദ്ദേശം.
പ്രതികരിക്കാൻ ഇവിടെ എഴുതുക: