തിരുവനന്തപുരം: പാരാ ആംപ്യുട്ടി ഫുട്ബോള് അസോസിയേഷന് ഇന്ത്യയും ഫിസിക്കലി ചലഞ്ച്ഡ് ഓള് സ്പോര്ട്സ് അസോസിയേഷന് കേരളയും സംയുക്തമായി തൃശ്ശൂരില് ജനുവരി 10ന് നടത്തുന്ന പ്രഥമ സ്റ്റേറ്റ് പാരാ ആംപ്യുട്ടി ഫുട്ബോള് ചാമ്പ്യന്ഷിപ്പിനുളള രജിസ്ട്രേഷന് ആരംഭിച്ചു. ഫുട്ബോളില് മത്സരാര്ഥികള് കുറവായതു കൊണ്ട് ജില്ലാതലത്തില് സെലക്ഷന് ട്രയലോ മത്സരങ്ങളോ ഉണ്ടായിരിക്കില്ല. സംസ്ഥാന ചാമ്പ്യന്ഷിപ്പില് രജിസ്ട്രേഷന് മുഖാന്തരം കായികതാരങ്ങള്ക്ക് നേരിട്ട് പങ്കെടുക്കാം.
ആംപ്യുട്ടി, സെറിബ്രല് പാള്സി, അസ്ഥിവൈകല്യം എന്നീ വിഭാഗങ്ങളില് ഉള്ളവര്ക്ക് പ്രായപരിധിയില്ല. മികച്ച പ്രകടനം കാഴ്ചവെക്കുന്നവര്ക്ക് സംസ്ഥാന ടീമിലേക്ക് സെലക്ഷന് ലഭിക്കും. അപേക്ഷകള് നാളെ വൈകിട്ട് 5ന് മുമ്പ് അസോസിയേഷന്റെ ഇ-മെയിലില് ലഭിക്കണം. വിവരങ്ങള്ക്ക് അസോസിയേഷന് വെബ്സൈറ്റ് https://pcasak.weebly.com സന്ദര്ശിക്കുകയോ സംസ്ഥാന പ്രസിഡന്റിനെ ബന്ധപ്പെടുകയോ ചെയ്യണം.
