ന്യൂദല്ഹി: ഒമിക്രോണ് വ്യാപനത്തിന്റെ അടിസ്ഥാനത്തില് എട്ട് സംസ്ഥാനങ്ങളിലെ ചികിത്സാ സൗകര്യങ്ങള് വര്ധിപ്പിക്കാന് നിര്ദ്ദേശവുമായി കേന്ദ്ര സര്ക്കാര്. കോവിഡ് രോഗികളുടെ എണ്ണം കൂടുതലുള്ള ദല്ഹി, ഹരിയാന, തമിഴ്നാട്, പശ്ചിമ ബംഗാള്, മാഹാരാഷ്ട്ര, ഗുജറാത്ത് കര്ണ്ണാടക, ജാര്ഖണ്ഡ് എന്നീ സംസ്ഥാനങ്ങള്ക്കാണ് കേന്ദ്ര ആരോഗ്യ മന്ത്രാലയ സെക്രട്ടറി രാജേഷ് ഭൂഷണ് പ്രത്യേക നിര്ദ്ദേശം നല്കിയിരിക്കുന്നത്.
രാജ്യത്തെ കോവിഡ് രോഗികളുടെ എണ്ണം 24 മണിക്കൂറിനിടെ വര്ധിക്കുന്നതായി കണക്കുകള് റിപ്പോര്ട്ട് ചെയ്തിരുന്നു. 13,154 പുതിയ കേസുകളാണ് റിപ്പോര്ട്ട് ചെയ്തത്. ഒമിക്രോണ് രോഗികളുടെ എണ്ണവും 961 ആയിട്ടുണ്ട്. ഇതിന്റെ അടിസ്ഥാനത്തിലാണ് കേന്ദ്രം പുതിയ നിര്ദ്ദേശങ്ങള് പുറത്തിറക്കിയിരിക്കുന്നത്. നിയന്ത്രണങ്ങള് ഏര്പ്പെടുത്താനും ആവശ്യപ്പെട്ടിട്ടുണ്ട്. കൂടാതെ വാക്സിനേഷന് വേഗത്തിലാക്കാനും കേന്ദ്രം
ദല്ഹിയിലാണ് ഏറ്റവും കൂടുതല് ഒമിക്രോണ് കേസുകള് (263) റിപ്പോര്ട്ടുചെയ്യപ്പെട്ടത്. മഹാരാഷ്ട്രയില് 252, ഗുജറാത്തില് 97, രാജസ്ഥാനില് 69, കേരളത്തില് 65, തെലങ്കാനയില് 62, എന്നിങ്ങനെയാണ് മറ്റു സംസ്ഥാനങ്ങളില് സ്ഥിരീകരിക്കപ്പെട്ട കേസുകള്. മുംബൈയില് ബുധനാഴ്ച 2510 പുതിയ കോവിഡ് കേസുകളാണ് റിപ്പോര്ട്ടു ചെയ്യപ്പെട്ടത്. ഇതേത്തുടര്ന്ന് മുംബൈയില് ഡിസംബര് 30 മുതല് ജനുവരി ഏഴുവരെ 144 പ്രഖ്യാപിച്ചു. പുതുവത്സര ആഘോഷങ്ങള്ക്കും പോലീസ് വിലക്കേര്പ്പെടുത്തി.
അതിനിടെ ദല്ഹിയില് ഒമിക്രോണിന്റെ സാമൂഹിക വ്യാപനം തുടങ്ങിയെന്ന് ആരോഗ്യമന്ത്രി സത്യേന്ദ്ര ജെയിന് പറഞ്ഞു. യാതൊരുവിധ യാത്രയും നടത്താത്തവര്ക്കും രോഗം ബാധിക്കുന്നുണ്ട്. സാമൂഹിക വ്യാപനത്തിന്റെ ലക്ഷണമാണെന്നും അദ്ദേഹം ചൂണ്ടിക്കാട്ടി. എന്നാല്
ഒമിക്രോണ് സ്ഥിരീകരിച്ച് ദല്ഹിയിലെ ആശുപത്രികളില് കഴിയുന്ന രാജ്യാന്തര യാത്രക്കാരടക്കം 200 പേരില് 115 പേര്ക്കും രോഗലക്ഷണങ്ങള് ഇല്ലെന്നും മുന്കരുതലിന്റെ ഭാഗമായാണ് ഇവരെ ആശുപത്രികളില് പാര്പ്പിച്ചിരിക്കുന്നതെന്നും സത്യേന്ദ്ര ജെയിന് അറിയിച്ചു.
