കുണ്ടറ: വഴി വക്കില് നിന്ന യുവതിയുടെ കൈ വെട്ടി മാറ്റിയ ഭര്ത്താവിനെ നാട്ടുകാര് പിടികൂടി പൊലീസില് ഏല്പിച്ചു. ഇന്നു വൈകിട്ട് 7.30 ഓടെ കേരളപുരത്തായിരുന്നു സംഭവം. സമീപത്തെ വീട്ടുപകരണ വില്പനശാലയിലെ ജീവനക്കാരിയായ പെരുമ്പുഴ ചിറയടി നീതു ഭവനില് നീതു (28) വിനാണ് ആക്രമണം ഉണ്ടായത്. തമിഴ്നാട് സ്വദേശിയായ ഭര്ത്താവ് അംഗപ്പന് എന്ന് വിളിക്കുന്ന വിക്രമാണ് ആക്രമണം നടത്തിയത്. മരം കയറ്റ തൊഴിലാളിയാണ്.
രണ്ട് പെണ്കുട്ടികളുടെ മാതാവ് കൂടിയായ നീതു തന്നെ ഉപേക്ഷിച്ചു പോകുകയായിരുന്നുവെന്നും പലര് വഴി ചര്ച്ചകള് നടത്തിയിട്ടും തനിക്കൊപ്പം ജീവിക്കാന് നീതു തയ്യാറാകാതെ വന്നതുമാണ് ആക്രമണത്തിന് വഴിയൊരുക്കിയതെന്ന് വിക്രം പൊലീസിനോട് പറഞ്ഞു. എന്നാല് നീതുവിനെ ഉപേക്ഷിച്ച് വിക്രം പോയി എന്നാണ് നീതുവിന്റെ വീട്ടുകാരുടെ ഭാഷ്യം. പൊലീസ് നിയമനിയമ നടപടികള് സ്വീകരിച്ചു.
