ജയ്പുര്‍: വിജയ് ഹസാരെ ക്രിക്കറ്റ് ടൂര്‍ണമെന്റില്‍ നിന്ന് കേരളം പുറത്ത്. ക്വാര്‍ട്ടര്‍ ഫൈനലില്‍ സര്‍വീസസാണ് കേരളത്തെ കീഴടക്കിയത്. ഏഴുവിക്കറ്റിനാണ് സര്‍വീസസിന്റെ വിജയം. കേരളം ഉയര്‍ത്തിയ 176 റണ്‍സ് വിജയലക്ഷ്യം വെറും 30.5 ഓവറില്‍ മൂന്ന് വിക്കറ്റ് മാത്രം നഷ്ടപ്പെടുത്തി സര്‍വീസസ് മറികടന്നു. മികച്ച തുടക്കം ലഭിച്ചിട്ടും മധ്യനിര ബാറ്റര്‍മാര്‍ താളം കണ്ടെത്താതെ പോയതാണ് കേരളത്തിന് തിരിച്ചടിയായത്. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ കേരളം 40.4 ഓവറില്‍ 175 റണ്‍സിന് എല്ലാവരും പുറത്തായി. മറുപടി ബാറ്റിങ്ങില്‍ 19.1 ഓവര്‍ ബാക്കിനിര്‍ത്തി മൂന്നു വിക്കറ്റ് മാത്രം നഷ്ടത്തില്‍ സര്‍വീസസ് ലക്ഷ്യത്തിലെത്തി.
സൗരാഷ്ട്ര വിദര്‍ഭയേ ഏഴു വിക്കറ്റിനാണ് തോല്‍പ്പിച്ചത്. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ വിദര്‍ഭ 40.3 ഓവറില്‍ 150 റണ്‍സിന് എല്ലാവരും പുറത്തായി. 20.1 ഓവര്‍ ബാക്കിനിര്‍ത്തി മൂന്നു വിക്കറ്റ് മാത്രം നഷ്ടത്തില്‍ സൗരാഷ്‌ട്രയും ലക്ഷ്യത്തിലെത്തി. കര്‍ണാടകയെ തോല്‍പ്പിച്ചെത്തിയ തമിഴ്‌നാടും ഉത്തര്‍പ്രദേശിനെ തോല്‍പ്പിച്ചെത്തുന്ന ഹിമാചല്‍ പ്രദേശുമാണ് സെമിയില്‍ കടന്ന മറ്റു ടീമുകള്‍. സെമി ഫൈനലില്‍ സര്‍വീസസ് ഹിമാചല്‍ പ്രദേശിനെ നേരിടും. മറ്റൊരു സെമിയില്‍ തമിഴ്‌നാട് സൗരാഷ്‌ട്രയെ നേരിടും.
പ്രതികരിക്കാൻ ഇവിടെ എഴുതുക: