ന്യൂദല്‍ഹി: വിജയ് ഹസാരെ ക്രിക്കറ്റ് ടൂര്‍ണമെന്റില്‍ കേരളം ഇന്ന് സര്‍വീസസിനെ നേരിടും. ഗ്രൂപ്പ് ചാമ്പ്യന്മാരായി ക്വാര്‍ട്ടറിലേക്ക് നേരിട്ട് യോഗ്യത നേടിയാണ് കേരളവും സര്‍വീസസും എത്തുന്നത്. ഇന്ന് ജയിച്ചാല്‍ സെമി ഉറപ്പിക്കാം. രാവിലെ ഒമ്പതിന് ജയ്പൂരിലെ കെഎല്‍ സൈനി സ്റ്റേഡിയത്തില്‍ മത്സരം തുടങ്ങും.
മികച്ച ഫോമിലുള്ള കേരളത്തിനാണ് നേരിയ മുന്തൂക്കം. നായകന്‍ സഞ്ജു സാംസണും സച്ചിന്‍ ബേബിയും ഫോമിലേക്കുയര്‍ന്നാല്‍ കേരളത്തിന് കളി എളുപ്പമാകും. കഴിഞ്ഞ മത്സരത്തില്‍ സച്ചിന്‍ ബേബി മികച്ച പ്രകടനമാണ് നടത്തിയത്. എന്നാല്‍ സഞ്ജു ഇതുവരെ തിളങ്ങിയിട്ടില്ല. ഓപ്പണര്‍ മുഹമ്മദ് അസ്ഹറുദ്ദീനും ഫോമിലാണ്. രോഹന്‍ കുന്നുമല്‍, വിഷ്ണു വിനോദ് എന്നിവരുടെ പ്രകടനവും നിര്‍ണായകും. എം.ഡി. നിധീഷ്, ബേസില്‍ തമ്പി എന്നീ പേസ് ബൗളര്‍മാര്‍ ഫോമിലാണ്. മത്സരത്തിന്റെ തുടക്കത്തിലെ വിക്കറ്റ് വീഴ്‌ത്താന്‍ കഴിയുന്നത് കേരളത്തിന് ആശ്വാസമാണ്. ജലജ് സ്‌കസേന, സിജോമോന്‍ ജോസഫ് എന്നീ സ്പിന്നര്‍മാരും ഭേദപ്പെട്ട ഫോമില്‍.
മറുവശത്ത് ലഖന്‍ സിങ്, രവി ചൗഹാന്‍, മോഹിത് അലാവത്ത്, ദിവേഷ് പത്താനിയ എന്നിവരുടെ മികവിലാണ് സര്‍വീസസ് കളത്തിലിറങ്ങുന്നത്.
പ്രതികരിക്കാൻ ഇവിടെ എഴുതുക: