കേന്ദ്ര സര്ക്കാര് ആഭിമുഖ്യത്തിലുള്ള നാഷണല് ഹൗസിങ് ബാങ്ക് ഓഫീസര്മാരെ റിക്രൂട്ട് ചെയ്യുന്നു. വിവിധ തസ്തികകളിലായി 17 ഒഴിവുകളുണ്ട്. ഓരോ തസ്തികയിലും ലഭ്യമായ ഒഴിവുകള് ചുവടെ.
- അസിസ്റ്റന്റ് മാനേജര്, ഒഴിവുകള്-14. യോഗ്യത-ഏതെങ്കിലും ഡിസിപ്ലിനില് 60% മാര്ക്കോടെ ബിരുദം. അല്ലെങ്കില് 55%മാര്ക്കോടെ മാസ്റ്റേഴ്സ് ബിരുദം. സിഎ/സിഎംഎ/സിഎസ് യോഗ്യതയുള്ളവരെയും പരിഗണിക്കും. കമ്യൂണിക്കേഷന് സ്കില്, അനലിറ്റിക്കല് എബിലിറ്റി, ഇക്കണോമിക് അവയര്നെസ് ഉള്ളവരാകണം. പ്രവൃത്തിപരിചയമുള്ളവര്ക്ക് വെയിറ്റേജ് ലഭിക്കും. പ്രായം 21-30 വയസ്സ്. ശമ്പള നിരക്ക് 36000-63840 രൂപ.
- ഡെപ്യൂട്ടി മാനേജര്, ഒഴിവുകള്-2, യോഗ്യത- ഏതെങ്കിലും ഡിസിപ്ലിനില് ബിരുദം. എംബിഎ (ഫിനാന്സ്)ഉള്ളവര്ക്ക് മുന്ഗണന. ബാങ്കില് ക്രഡിറ്റ് അപ്രൈസല്, ഓഡിറ്റ് & റിസ്ക് മുതലായവയില് രണ്ട് വര്ഷത്തില് കുറയാതെ പ്രവൃത്തിപരിചയം വേണം. പ്രായം 23-32 വയസ്സ്. ശമ്പള നിരക്ക്- 48170-69810 രൂപ.
- റീജിയണല് മാനേജര് (റിസ്ക് മാനേജ്മെന്റ്) ഒഴിവ്-1, യോഗ്യത-ബിരുദം, ഫിനാന്ഷ്യല് റിസ്ക് മാനേജ്മെന്റില് പ്രൊഫഷണല് യോഗ്യതയും റിസ്ക് മാനേജ്മെന്റ് സര്ട്ടിഫിക്കേഷനും ഉള്ളവര്ക്ക് അപേക്ഷിക്കാം. സിഎഫ്എ/സിഎ/സിഎംഎ യോഗ്യത അഭിലഷണീയം. കോര്പ്പറേറ്റ് ക്രഡിറ്റ് ആന്റ് റിസ്ക് മാനേജ്മെന്റില് രണ്ട് വര്ഷത്തെ പ്രവൃത്തിപരിചയം വേണം. പ്രായം 30-45 വയസ്സ്. ശമ്പളനിരക്ക് 76010-89890 രൂപ.
സംവരണ വിഭാഗങ്ങളില്പ്പെടുന്നവര്ക്ക് ചട്ടപ്രകാരം പ്രായപരിധിയില് ഇളവുണ്ട്. വിശദവിവരങ്ങളടങ്ങിയ വിജ്ഞാപനം www.nbh.org.in ല് നിന്നും ഡൗണ്ലോഡ് ചെയ്ത് നിര്ദേശാനുസരണം അപേക്ഷ ഓണ്ലൈനായി ഡിസംബര് 30 വരെ സമര്പ്പിക്കാവുന്നതാണ്. ഓണ്ലൈന് ടെസ്റ്റും വ്യക്തിഗത അഭിമുഖവും നടത്തിയാണ് സെലക്ഷന്. കൂടുതല് വിവരങ്ങള് വിജ്ഞാപനത്തിലുണ്ട്.
