തിരുവനന്തപുരം : പട്ടാപ്പകല്‍ ശ്രീലങ്കന്‍ പൗരനെ ചുട്ടുകൊന്ന മതമൗലികവാദികളെ ന്യായീകരിക്കുന്ന പാക്ക് പ്രധാനമന്ത്രി ഇമാന്‍ ഖാന്റെ മാനസികാവസ്ഥയാണ് മുഖ്യമന്ത്രി പിണറായി വിജയനുള്ളതെന്ന് ബി.ജെ.പി സംസ്ഥാന ജനറല്‍ സെക്രട്ടറി പി.സുധീര്‍ ആരോപിച്ചു.
ഭക്ഷണത്തില്‍ തുപ്പുന്ന മതമൗലികവാദികളുടെ നിലപാടിനെ എതിര്‍ക്കുന്നവരോട് ഐക്യദാര്‍ഡ്യം പ്രകടിപ്പിച്ചതിനാണ് ബി.ജെ.പി സംസ്ഥാന പ്രസിഡന്റ് കെ.സുരേന്ദ്രനെതിരെ കേരള പൊലീസ് കേസെടുത്തത്. ഇത് മുസ്ലിം തീവ്രവാദികളുടെ സമ്മര്‍ദ്ദത്തിന് വഴങ്ങിയാണ്. വഖഫ് സമരത്തിന് മുന്നില്‍ പിണറായി മുട്ടുമടക്കിയപ്പോഴുള്ള ഒത്തു തീര്‍പ്പു വ്യവസ്ഥകളില്‍ സുരേന്ദ്രനെതിരെ കേസെടുക്കുന്നതുണ്ടോ എന്നറിയാനും ബി.ജെ.പി ക്ക് താല്പര്യമുണ്ട്. സൗദി അറേബ്യന്‍ ഭരണാധികാരികള്‍ പോലും മതതീവ്രവാദികള്‍ക്ക് കൂച്ചുവിലങ്ങിടുമ്പോള്‍ പിണറായി ഇവിടെ അവര്‍ക്ക് ജയ ജയ പാടുകയാണ്. കോഴിക്കോട് കടപ്പുറത്ത് ലീഗിന്റെ വഖഫ് സമ്മേളനത്തില്‍ മന്ത്രി മുഹമ്മദ് റിയാസിനെതിരെയും സ്വന്തം മകള്‍ വീണക്കെതിരെയും വ്യഭിചാരികള്‍ എന്ന് ലീഗ് നേതാവ് വിളിച്ചിട്ടും കേസെടുക്കാന്‍ ധൈര്യമില്ലാത്ത ഭീരുവാണ് പിണറായി. ശബരിമലയില്‍ വിശ്വാസം സംരക്ഷിക്കാന്‍ പോരാടിയ ഭക്തജനങ്ങളോട് നവോത്ഥാനം പ്രസംഗിച്ച മുഖ്യമന്ത്രി ഇപ്പോള്‍ മതമൗലിക വാദികള്‍ക്ക് മുന്നില്‍ മുട്ടിലിഴയുകയാണ്. സംയുക്ത സൈന്യാധിപനെ മരണത്തിലും അവഹേളിച്ചമര്‍ക്കെതിരെ ചെറുവിരലനക്കാത്ത കേരള പൊലീസ് സുരേന്ദ്രനെതിരെ കേസെടത്തത് മത തീവ്രവാദ ശക്തികളെ പ്രീണിപ്പിക്കാനാണെന്ന് സുധീര്‍ ആരോപിച്ചു.
പ്രതികരിക്കാൻ ഇവിടെ എഴുതുക: