ജയ്പൂര്: രാജ്യത്ത് ഹിന്ദുക്കളുടെ ഭരണം സ്ഥാപിക്കാനാണ് കോണ്ഗ്രസ് ലക്ഷ്യമെന്ന് രാഹുല്ഗാന്ധി. രാജസ്ഥാനിലെ ജയ്പൂരില് നടന്ന കോണ്ഗ്രസ് റാലിയില് സംസാരിക്കുകയായിരുന്നു രാഹുല്ഗാന്ധി. ഹിന്ദുത്വ വാദികളുടെ കൈയില് നിന്ന് യഥാര്ത്ഥ ഹിന്ദുക്കളിലേക്ക് അധികാരം മാറ്റുകയാണ് ലക്ഷ്യമെന്നും രാഹുല്ഗാന്ധി ജയ്പൂരില് പ്രസംഗിച്ചു.
ഈ രാജ്യം ഹിന്ദുക്കളുടേതാണെന്നും രാഹുല് ഗാന്ധി പറഞ്ഞു. യുപി ഇലക്ഷന് പശ്ചാത്തലത്തിലാണ് രാഹുല് ഗാന്ധിയുടെ വിവാദ പ്രസ്താവന. രാജ്യത്ത് ഹിന്ദുക്കളുടെ ഭരണം തിരികെ കൊണ്ടുവരണം. ഇപ്പോള് നടക്കുന്നത് ഹിന്ദുക്കളും ഹിന്ദുത്വവാദികളും തമ്മിലുള്ള മത്സരങ്ങളാണെന്നും സത്യപാതയിലുള്ള ഹിന്ദുഭരണമാണ് തിരിച്ചു പിടിക്കേണ്ടതെന്നും രാഹുല്ഗാന്ധി പ്രസംഗിച്ചു.നെഹ്റു കുടുംബത്തിനെതിരെ പാര്ട്ടിക്കുള്ളില് കലാപമുയര്ത്തിയ പ്രമുഖ നേതാക്കളെ ഒഴിവാക്കി രാഹുലിനും പ്രിയങ്കയ്ക്കും മാത്രമാണ് പാര്ട്ടി നേതൃത്വത്തിന് അര്ഹതയെന്ന് ഒരിക്കല്ക്കൂടി വ്യക്തമാക്കാനും ജയ്പൂര് റാലി വഴി സോണിയാഗാന്ധിയും സംഘവും ലക്ഷ്യമിട്ടു.
