കൊച്ചി: ദത്ത് വിവാദത്തില്‍പ്പെട്ട ശിശുക്ഷേമ സമിതി ജനറല്‍ സെക്രട്ടറി ജെ.എസ്. ഷിജുഖാനെ ഡിവൈഎഫ്‌ഐയുടെ സംസ്ഥാന സെക്രട്ടറിയാക്കാന്‍ നീക്കം. സിപിഎം കേന്ദ്ര കമ്മിറ്റിയംഗം ഇ.പി. ജയരാജന്റെ സാന്നിധ്യത്തില്‍ നാളെ എകെജി സെന്ററില്‍ ചേരുന്ന ഡിവൈഎഫ്‌ഐ യോഗത്തില്‍ ഷിജുഖാനെ സംസ്ഥാന സെക്രട്ടറിയാക്കാനാണ് നീക്കം. ഡിവൈഎഫ്‌ഐ സംസ്ഥാന സെക്രട്ടറി ആയിരുന്ന എ.എ. റഹിം അഖിലേന്ത്യാ പ്രസിഡന്റായതിനെ തുടര്‍ന്നാണിത്.
ഗുരുതര ആരോപണം നേരിട്ട ഷിജുഖാനെ യുവജന സംഘടനയുടെ തലപ്പത്ത് എത്തിക്കാനാണ് സിപിഎം ശ്രമം. എസ്എഫ്‌ഐ മുന്‍ നേതാവ് അനുപമയുടെ കുഞ്ഞിനെ ദത്തു നല്‍കിയ സംഭവത്തില്‍ ഷിജുഖാനെതിരെ കടുത്ത ആരോപണങ്ങളാണ് ഉയര്‍ന്നത്. അനുപമയുടെ പരാതി ലഭിച്ചിട്ടും വേണ്ട നടപടി സ്വീകരിക്കാതെ ദത്ത് സ്ഥിരപ്പെടുത്തല്‍ നടപടിയുമായി ശിശിക്ഷേമ സമിതി മുന്നോട്ട് പോവുകയായിരുന്നു. ശിശുക്ഷേമ സമിതി തെറ്റൊന്നും ചെയ്തിട്ടില്ലെന്ന നിലപാടായിരുന്നു സിപിഎമ്മിനും മുഖ്യമന്ത്രിക്കും. ശിശുക്ഷേമ സമിതിയെ മറയാക്കി ഗുരുതരമായ തെറ്റുകളാണ് ഷിജുഖാന്‍ ചെയ്തത്. എന്നിട്ടും സിപിഎമ്മും സര്‍ക്കാരും ചേര്‍ന്ന് ഷിജുവിനെ സംരക്ഷിക്കുകയായിരുന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: