ലണ്ടന്‍: കരിയറിലെ എണ്ണൂറാം ഗോള്‍ കുറിച്ച് സൂപ്പര്‍ സ്റ്റാര്‍ ക്രിസ്റ്റിയാനോ റൊണാള്‍ഡോ. പ്രീമിയര്‍ ലീഗില്‍ ആഴ്‌സണലിനെതിരായ മത്സരത്തിലാണ് ഈ പോര്‍ച്ചുഗീസ് സ്‌ട്രൈക്കര്‍ ചരിത്രം കുറിച്ചത്. റൊണാള്‍ഡോയുടെ മികവില്‍ മാഞ്ചസ്റ്റര്‍ യുണൈറ്റഡ് രണ്ടിനെതിരെ മൂന്ന് ഗോളുകള്‍ക്ക് ആഴ്‌സണലിനെ പരാജയപ്പെടുത്തി.
രണ്ടാം പകുതിയുടെ തുടക്കത്തില്‍ ആഴ്്‌സണലിന്റെ വല ചലിപ്പിച്ചതോടെ റൊണാള്‍ഡോയ്‌ക്ക്് കരിയറിലെ 800 ഗോളായി. അവസാന നിമിഷങ്ങളില്‍ പെനാല്‍റ്റിയും ഗോളാക്കിയതോടെ റൊണാള്‍ഡോയ്‌ക്ക് കരിയറില്‍ 801 ഗോളുകളായി. ടോപ്പ് ലെവല്‍ ഫുട്‌ബോളില്‍ എണ്ണൂറ് ഗോളുകള്‍ നേടുന്ന ആദ്യ താരമാണ് റൊണാള്‍ഡോ. മാഞ്ചസ്റ്റര്‍ യുണൈറ്റഡ്, റയല്‍ മാഡ്രിഡ്, സ്്‌പോര്‍ട്ടിങ് ലിസ്ബണ്‍ , യുവന്റസ് എന്നീ ക്ല്ബ്ബുകള്‍ക്കും ദേശീയ ടീമിനും കളിച്ചാണ് റൊണാള്‍ഡോ എണ്ണൂറ് ഗോളുകള്‍ നേടിയത്.
യുണൈറ്റഡിന് വേണ്ടി 130 ഗോളുകളും റയല്‍ മാഡ്രിഡിനായി 450 ഗോളുകളും യുവന്റസിനായി 101 ഗോളുകളും സ്‌പോര്‍ട്ടിങ് ലിസ്ബണിനായി അഞ്ചു ഗോളുകളും നേടി. ദേശീയ ടീമായ പോര്‍ച്ചുഗലിന് വേണ്ടി 115 ഗോളുകളും നേടിയിട്ടുണ്ട്. രാജ്യാന്തര ഫുട്‌ബോളില്‍ ഏറ്റവും കൂടുതല്‍ ഗോളുകള്‍ നേടിയ താരവും ചാമ്പ്യന്‍സ് ലീഗില്‍ ഏറ്റവും കൂടുതല്‍ ഗോള്‍ അടിച്ച താരവും റൊണാള്‍ഡോയാണ്.
പ്രതികരിക്കാൻ ഇവിടെ എഴുതുക: