ന്യൂദല്‍ഹി: ഐടിഡിസി ചെയര്‍മാന്‍ ആകുന്നതിന് എന്ത് യോഗ്യതയാണ് ഉള്ളതെന്ന കനയ്യ കുമാറിന്റെ ചോദ്യത്തിന് തനിക്ക് എംബിബിഎസ്, എംഡി, ലണ്ടനില്‍ നിന്നുള്ള എംആര്‍സി എന്നിവ ഉണ്ടെന്നും യുപിഎസ്് സി പരീക്ഷ പാസായെന്നും ബിജെപി വക്താവ് കൂടിയായ സമ്പിത് പത്ര.
വെള്ളിയാഴ്ച ആജ് തക ടിവി നടത്തിയ അജണ്ട ആജ് തക് പരിപാടിയില്‍ പങ്കെടുത്ത് സംസാരിച്ച സമ്പിത് പത്ര തനിക്ക് തൊട്ട് മുന്‍പ് സംസാരിച്ച കോണ്‍ഗ്രസ് നേതാവ് കനയ്യ കുമാറിന് മറുപടി നല്‍കുകയായിരുന്നു. . ഇന്ത്യ ടൂറിസം ഡവലപ്‌മെന്‍റ് കോര്‍പറേഷന്റെ (ഐടിഡിസി) ചെയര്‍മാനായി ഈയിടെ തെരഞ്ഞെടുക്കപ്പെട്ട സമ്പിത് പത്രയ്‌ക്ക് എന്ത് യോഗ്യതയാണ് ഉള്ളതെന്നായിരുന്നു കനയ്യ കുമാറിന്റെ ചോദ്യം.
മുന്‍പ് ഐടിഡിസി ചെയര്‍മാനായിരുന്ന ശങ്കര്‍ സിംഗ് വഗേലയേക്കാള്‍ തനിക്ക് യോഗ്യതയുണ്ടെന്നും സമ്പിത് പത്ര പറഞ്ഞു. ‘ഞാന്‍ ശങ്കര്‍ സിംഗ് വഗേലയേക്കാള്‍ കൂടുതല്‍ പഠിച്ചിട്ടുണ്ട്. എംബിബിഎസ്, എംഎസ്, ലണ്ടനില്‍ നിന്നും എംആര്‍സി എന്നിവ ഞാന്‍ പാസായി. പിന്നീട് യുപിഎസ് സി പരീക്ഷയും പാസായി. ഇതൊന്നും വിദ്യാഭ്യാസയോഗ്യതയല്ലെങ്കില്‍ ഇന്ത്യയുടെ പ്രധാനമന്ത്രിയാകാന്‍ സോണിയാഗാന്ധിക്ക് എന്ത് യോഗ്യതയാണുള്ളത്? ഇന്ത്യയുടെ പ്രധാനമന്ത്രിയാകാന്‍ രാഹുല്‍ഗാന്ധിയ്‌ക്ക് എന്ത് യോഗ്യതയാണുള്ളത്?’- സമ്പിത് പത്ര ചോദിച്ചു.
പ്രതികരിക്കാൻ ഇവിടെ എഴുതുക: