ഗുരുവായൂര്‍: ഗുരുവായൂര്‍ ക്ഷേത്രത്തില്‍ അഗ്നിബാധയുണ്ടായപ്പോള്‍ ഗുരുവായൂരപ്പ വിഗ്രഹം മാറ്റാന്‍ നേതൃത്വം നല്‍കിയ കേശവന്‍ നായര്‍(88) അന്തരിച്ചു. തിരുവെങ്കിടത്തുള്ള വീട്ടില്‍ വിശ്രമജീവിതം നയിച്ചു വരികയായിരുന്നു.
ക്ഷേത്രം അഗ്നിക്കിരയായതിന്റെ 51 വര്‍ഷം പൂര്‍ത്തിയാക്കുന്ന ദിവസം തന്നെയാണ് അദ്ദേഹം മരണമടഞ്ഞത്. സംസ്‌കാരം നടത്തി. ഭാര്യ: മൂത്തേടത്ത് വിജയലക്ഷ്മി മക്കള്‍ : ശ്രീനാരായണന്‍ (എറണാകുളം) വിജയശ്രീ, ജയശ്രീ, ശ്രീകുമാര്‍ (ബാബു), പരേതയായ രാജശ്രീ. മരുമക്കള്‍: അജിത, ശ്രീകൃഷ്ണന്‍, രണരാജന്‍, ധന്യ
1970 നവംബര്‍ 29 ന് രാത്രിയാണ് ഗുരുവായൂര്‍ ക്ഷേത്രത്തില്‍ അഗ്നിബാധയുണ്ടായത്. തീപിടിത്തമുണ്ടായതോടെ പടിഞ്ഞാറെ നടയില്‍ ഹോട്ടല്‍ നടത്തിയിരുന്ന വീട്ടിക്കിഴി കേശവന്‍ നായരും ഓടിയെത്തി. തീ വ്യാപിക്കുകയും ശ്രീകോവിലിലേക്ക് പടരുമെന്നായപ്പോള്‍ നാലമ്പലത്തിനകത്ത് കടന്ന് ഗുരുവായൂരപ്പ വിഗ്രഹം മാറ്റുകയായിരുന്നു. അന്ന് കേശവന്‍ നായര്‍ക്ക് 37 വയസ്സായിരുന്നു.
പ്രതികരിക്കാൻ ഇവിടെ എഴുതുക: