പത്തനംതിട്ട:പാര്‍ട്ടി പ്രവര്‍ത്തകയായ വീട്ടമ്മയെ കാറില്‍വെച്ച് ജ്യൂസ് നല്‍കി പീഡിപ്പിച്ച സിപിഎം ബ്രാഞ്ച് സെക്രട്ടറി സജിമോന്‍ മുമ്പ് യുവതിയെ പീഡിപ്പിച്ച് ഗര്‍ഭിണിയാക്കിയ കേസിലും പ്രതി. കേസില്‍ ഇയാള്‍ ഡിഎന്‍എ പരിശോധനാ ഫലം അട്ടിമറിക്കാന്‍ ശ്രമിക്കുകയുണ്ടായി. സംഭവ ശേഷം ലോക്കല്‍ സെക്രട്ടറി ആയിരുന്ന ഇയാളെ മുഖം രക്ഷിക്കാനായി സിപിഎം സ്ഥാനത്ത് നിന്ന് നീക്കുകയായിരുന്നു.
ഒരു വര്‍ഷം മുമ്പാണ് പരാതിയ്‌ക്ക് ആസ്പദമായ സംഭവം നടക്കുന്നത്. പാര്‍ട്ടി പ്രവര്‍ത്തകയായ വീട്ടമ്മയെ കാറില്‍ കയറ്റിയശേഷംജ്യൂസില്‍ മയക്കുമരുന്നു നല്‍കി മയക്കിയ ശേഷം പീഡിപ്പിക്കുകയായിരുന്നു. നഗ്ന ചിത്രങ്ങള്‍ ഫോണില്‍ പകര്‍ത്തിയ സജിമോന്‍ ചിത്രങ്ങള്‍ കാട്ടി ഭീഷണിപ്പെടുത്തി പണം ആവശ്യപ്പെട്ടതായും പരാതിയില്‍ പറയുന്നു. സിപിഎമ്മിന്റെ സജീവ പ്രവര്‍ത്കരാണ് പീഡിപ്പിക്കപ്പെട്ട വീട്ടമ്മയും ഭര്‍ത്താവും.
തിരുവല്ല പോലീസാണ് പരാതിയുടെ അടിസ്ഥാനത്തില്‍ കേസ് എടുത്തിരിക്കുന്നത്. ദൃശ്യങ്ങള്‍ പ്രചരിപ്പിച്ചതിന് 2 കൗണ്‍സിലര്‍മാരും ഒരു അഭിഭാഷകനും ഉള്‍പ്പെടെ 12 പേര്‍ക്കെതിരെ കേസെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: